МУБОРАК НАВАДАТ, ЭЙ ДАРГАҲИ МАН!

16 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бахшида ба 30 – солагии Истиқлолияти давлатии Ҷумҳурии Тоҷикистон ва 90 – солагии Донишгоҳ чорабинии бошукӯҳи фарҳангӣ – фароғатӣ таҳти унвони “Муборак навадат, эй даргаҳи ман!” баргузор гардид. Чорабинии мазкур бо садо додани Суруди миллии Ҷумҳурии Тоҷикистон оғоз гардид. Нахуст, мудири шуъбаи тарбия Қобилҷон Иброҳимов баромад намуда, ба чорабинӣ ҳусни оғоз бахшид. Сипас, мудири шуъбаи кор бо ҷавонон М.Абдураҳмонов баромад намуда, оид ба нақш ва ҷойгоҳи ин нахустдаргоҳи илму таълими кишвар ба донишҷӯён маълумот дод.

МАСЪАЛАҲОИ МУБРАМИ ЗАБОНШИНОСӢ, ТАРҶУМАШИНОСӢ,

АДАБИЁТШИНОСӢ ВА МЕТОДИКАИ ТАЪЛИМИ ЗАБОНҲОИ ХОРИҶӢ ДАР МАКТАБИ ОЛӢ

10-11 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ташаббуси факултети забони англисӣ  ба ифтихори 90- солагии Донишгоҳ ва 25 – солагии кафедраи услубшиносӣ ва назарияи тарҷумаи факултети забони англисӣ конференсияи илмӣ-амалии ҷумҳуриявӣ таҳти унвони  “Масъалаҳои мубрами забоншиносӣ, тарҷумашиносӣ, адабиётшиносӣ ва методикаи таълими забонҳои хориҷӣ дар мактаби олӣ” баргузор гардид. Конференсияи мазкурро муовини ректор оид ба корҳои илмӣ Акобир Мирзораҳимов ҳусни оғоз бахшида, меҳмонон ва иштирокчиёнро хушомадед гуфт.

РУШДИ ИЛМҲОИ ТАБИАТШИНОСӢ ДАР ҶУМҲУРИИ ТОҶИКИСТОН

10 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ташаббуси факултети география конференсияи ҷумҳуриявии илмӣ-амалӣ ба ифтихори “Бистсолаи омӯзиш ва рушди фанҳои табиатшиносӣ, дақиқ ва риёзӣ” ва инчунин ба муносибати 80 – солагии олими намоёни соҳаи география Алишер Ҷӯраев таҳти унвони “Рушди илмҳои табиатшиносӣ дар Ҷумҳурии Тоҷикистон” баргузор гардид. Конференсияи мазкурро бо сухани ифтитоҳӣ ректори Донишгоҳ профессор Ғаффорӣ Нӯъмонҷон Усмонзода ҳусни оғоз бахшида, меҳмонон ва иштирокчиёни ин конференсияи сатҳи баландро ба ин даргоҳи илму таълими кишвар хушомадед намуд.

ПЕШГИРИИ БЕМОРИҲОИ СИРОЯТӢ – ОМИЛИ ЯГОНАИ ТАРЗИ ҲАЁТИ СОЛИМ

6 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи биохимия ва генетикаи факултети биология бахшида ба Рӯзи байналмилалии мубориза бар зиди ВНМО семинари омӯзишӣ дар мавзуи “Пешгирии бемориҳои сироятӣ – омили ягонаи тарзи ҳаёти солим” баргузор гардид. Дар семинари мазкур мутахассисон аз МД Маркази тиббӣ-шаҳрии №2 Ҳаётхон Солиева ва Бегиҷон Амонов иштирок варзида, ба донишҷӯён роҳҳои асосии пешгирии бемориҳои сироятӣ, аз он ҷумла, ВНМО-ро шарҳу тавзеҳ доданд.

https://youtu.be/NpvIDT2zRa4

ҲУҚУҚУ ОЗОДИҲОИ ИНСОН ВА МЕХАНИЗМҲОИ МУАССИРИ ҲИФЗИ ОНҲО

8 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи ҳуқуқи факултети таърих бахшида ба рӯзи қабули “Эъломияи ҳуқуқи башар” конференсияи илмӣ-назариявии ҷумҳуриявӣ дар мавзуи “Ҳуқуқу озодиҳои инсон ва механизмҳои муассири ҳифзи онҳо” баргузор гардид. Конференсияи мазкурро муовини ректор оид ба корҳои илмӣ Акобир Мирзораҳимов ифтитоҳ бахшида, меҳмонон ва иштирокчиёнро ба ин даргоҳи илму таълим хушомадед намуд. Сипас, маърӯзачиён Ҳусайнов А., Буризода Э., Раҷабов С.,Меликов У., Давлатзода Ф. ва Назаров Д. баромад намуданд. Конференсия дар бахшҳо низ идома ёфта, омӯзгорону унвонҷӯён ва докторантон бо маърузаҳо баромад намуданд.

ДОНИШҶӮЁН АЗ ҲИЗБУ ҲАРАКАТҲОИ

ТЕРРОРИСТИИ ДАР ҚАЛАМРАВИ КИШВАР МАМНУЪ ОГОҲАНД

6-юми декабри соли 2021 дар толори Шӯрои олимони факултаи таҳсилоти ибтидоии Донишгоҳи давлатии омӯзгории Тоҷикистон ба номи Садриддин Айнӣ ҷаласаи васеъ дар мавзуи “Ҳизбу ҳаракатҳои террористиву экстремистии дар қаламрави кишвар мамнуъ” бо иштироки намояндаи Раёсати назорати иҷрои қонунҳо ва кор бо ҷавонону ноболиғони Прокуратураи генералии Ҷумҳурии Тоҷикистон баргузор гардид.

Дар ҷаласаи мазкур ректори донишгоҳ, профессор Нуъмонҷон Ғаффорӣ, прокурори Раёсати назорати иҷрои қонунҳо ва кор бо ҷавонону ноболиғони Прокуратураи генералии Ҷумҳурии Тоҷикистон, мушовири давлатии адлияи дараҷаи 3 Наботов Меҳроҷиддин, муовини ректор оид ба илм Акобир Мирзораҳимов, муовини ректор оид ба корҳои тарбиявӣ Ҷамила Мусоҷонзода, Раиси иттифоқи касабаи кормандону омӯзгорон Ҳобилҷон Зикирзода, деканони факултетҳо, муовинони декан оид ба корҳои тарбиявии факултетҳо, мудирони кафедраҳои умумидонишгоҳӣ ва дигар сохторҳои идории донишгоҳ ширкат намуданд.