ДУШАНБЕ, 25.11.2021. /АМИТ «Ховар»/. 25 ноябри соли 2021, соати 11:30, сокини деҳаи Тавдеми ноҳияи Роштқалъаи ВМКБ Зиёбеков Гулбиддин Зиёбекович, соли таваллудаш 1992, ки барои содир кардани ҷиноят аз рӯи моддаҳои 181, қ.3 (ғасби гаравгон аз ҷониби гурӯҳи муташаккил) ва 189, қ.3 (барангехтани кинаю адовати маҳалгароӣ)-и Кодекси ҷиноятии Ҷумҳурии Тоҷикистон дар асоси маводи кофтуковии мақомоти Прокуратура дар кофтукови расмӣ қарор дошт, ҳангоми амалӣ намудани чорабиниҳои фаврӣ оид ба  боздошт намуданаш бар зидди кормандони ҳифзи ҳуқуқ муқобилияти мусаллаҳона нишон дода, аз пистолети тамғаи «Макаров», ки ғайриқонунӣ дар ихтиёраш қарор дошт, оташ кушод. Дар натиҷаи оташи ҷавобӣ ҷинояткор захмдор гардид. Дар ин бора АМИТ «Ховар» бо истинод ба маркази матбуоти Прокуратураи ВМКБ хабар медиҳад.

Паёми шодбошии Президенти Ҷумҳурии Тоҷикистон,

Пешвои миллат муҳтарам Эмомалӣ Раҳмон ба муносибати Рӯзи Парчами давлатӣ

24.11.2021 07:00, шаҳри Душанбе

Ҳамватанони азиз!

Ҳамаи шуморо ба ифтихори санаи муҳимми таърихӣ – Рӯзи Парчами давлатӣ самимона табрик мегӯям ва орзумандам, ки парчами давлатии Тоҷикистони азиз дар фазои сулҳу суботи мамлакат ҳамеша парафшон бошад ва мардуми сарбаланди кишварро ба сӯйи ояндаи боз ҳам осудаву обод роҳнамоӣ созад.

Имсол мо Рӯзи Парчами давлатиро дар соли барои тамоми мардуми Тоҷикистон воқеан таърихӣ – сисолагии истиқлолу озодии Ватанамон таҷлил мекунем.

Дар сӣ соли соҳибистиқлолӣ зери парафшонии Парчами давлатӣ дар кишвари мо даҳҳо иншооти бузурги аср ва садҳову ҳазорҳо иншооти муҳимми истеҳсоливу иҷтимоӣ бунёд гардиданд, ки ҳамаи онҳо самараи заҳмати ватандӯстонаи сокинони мамлакат буда, ба рушди устувори иқтисоди миллӣ, таҳкими иқтидори давлат ва ба таври бесобиқа ободу зебо гардидани Ватани маҳбубамон мусоидат намуданд.

ПАРЧАМАТ БОДО ПАРАФШОН, ТОҶИКИСТОНИ АЗИЗ!

24 ноябри соли 2021 дар саҳни Донишгоҳи давлатии омӯзгории Тоҷикистон ба номи Садриддин Айнӣ ба ифтихори Рӯзи Парчами давлатии Ҷумҳурии Тоҷикистон ҳамоиши ҷавонону донишҷӯёни донишгоҳ таҳти унвони “Парчамат бодо парафшон, Тоҷикистони азиз!” баргузор гардид. Ҳамоиши мазкур бо садо додани Суруди миллии Ҷумҳурии Тоҷикистон ва роҳпаймоии донишҷӯёни донишгоҳ бо шиору овезаҳо, ки таҷассумгари сулҳу дӯстӣ ва ваҳдату ягонагист, оғоз гардид. Нахуст, ректори донишгоҳ профессор Ғаффорӣ Нӯъмонҷон Усмонзода бо сухани ифтитоҳӣ баромад намуда, кулли иштирокчиёни ҳамоишро бо ин санаи таърихӣ табрику таҳният намуд.

ПАРЧАМ РАМЗИ САОДАТ ВА ПИРӮЗИИ МИЛЛАТ

24 – уми ноябри соли 2021 дар толори Шӯрои олимони факултети филологияи тоҷики ДДОТ ба номи Садриддин Айнӣ бо ташаббуси кафедраи сиёсатшиносӣ бахшида ба “Рӯзи парчами давлатӣ” семинари илмӣ-назариявӣ бо иштироки устодону донишҷӯён ва директори Шуъбаи муносибатҳои байналмилалии Донишгоҳи Небраскаи Омаҳаи ИМА профессор Пэтрик Макнамара баргузор гардид. Семинарро муовини ректор оид ба робитаҳои байналмилалӣ н.и.п, дотсент Байдуллоев Аъзам оғоз намуда, сипас бо камоли эҳтиром риштаи суханро ба меҳмони олиқадр Пэтрик Макнамара супорид. Устоди Донишгоҳи Небраскаи Омаҳа дар мавзуи  “ИМА ва Тоҷикистон:  робитаҳои илмиву фарҳангӣ ва иқтисодӣ дар даврони Истиқлолият” маърӯзахонӣ намуд. Баъдан, иҷрокунандаи вазифаи мудири кафедраи сиёсатшиносии донишгоҳ н.и.с. Амиров Толиб Шарифович дар мавзӯи “Парчам рамзи саодат ва пирӯзии миллат”  баромад намуд.

Участие преподавателей ТГПУ им. С.Айни в международной

научно- практической конференции: «Русский язык в современном Китае»

24.11.2021 года заведующая кафедрой современного русского языка и общего языкознания, доцент Мирганова Нигина Рауфовна и кандидат филологических наук Эшназарова Сарвиноз Маматовна в онлайн формате выступили с научным докладом на международной научно- практической конференции «Русский язык в современном Китае» на тему: «Язык. Лингвистика. Личность. Коммуникация. Преподаватель», «Лексические средства выражения темпоральности в русском и таджикским языках».

БАРГУЗОРИИ СЕМИНАР-ТРЕНИНГ

ДАР ДДОТ БА НОМИ САДРИДДИН АЙНӢ

Ибтидо аз санаи 19.11.2021 то 23.11.2021 дар толори Шӯрои олимони факултети филологияи тоҷики ДДОТ ба номи Садриддин Айнӣ бо иштироки як зумра таълимшиносон, мутахассисони муассисаҳои таҳсилоти олии кишвар ва Вазорати маориф ва илми ҷумҳурӣ семинар-тренинг “Оид ба омода намудани тренерҳо ҷиҳати  таҳия, ташаккул ва татбиқи  барномаҳои таҳсилотии насли нав” бо дастгирии “Бонки ҷаҳонӣ”, Лоиҳаи “Рушди таҳсилоти олӣ”-и Вазорати маориф ва илми Ҷумҳурии Тоҷикистон баргузор гардид, ки маърӯзахонии онро намоянда: профессор Владимир Бриллер аз кишвари ИМА бар ӯҳда дошт.

Маврид ба зикр аст, тӯли ин чанд рӯз коршиносон доир ба самти  таълим, мушкилот ва роҳҳои ҳалли он бо ин намояндаи хориҷӣ гуфтугузор намуданд. Ногуфта намонад, ки бештари аз иштирокдорони семинари мазкур аз худи муассисаи таълимии мо ба ҳисоб мерафтанд.

ПАРЧАМАТ БОДО ПАРАФШОН, ТОҶИКИСТОНИ АЗИЗ

23.11.2021 дар факултетҳои химия, физика ва таҳсилоти ибтидоии ДДОТ ба номи Садриддин Айнӣ, ба ифтихори “Рӯзи парчами давлатӣ”  чорабинии фарҳангӣ таҳти унвони “Парчамат бодо парафшон, Тоҷикистони азиз!”-дар факултети химия, “Парчам – рамзи соҳибдавлатии кишвар” –дар факултети физика, “Парчамат аз Кова омад”-дар факултети таҳсилоти ибтидоӣ баргузор гардид. Деканони факултетҳо, омӯзгорон ва донишҷӯён вобаста пайдоиш,  гиромидошт ва нақши  парчами давлатӣ маърӯзаҳо намуданд. Сурудхонии донишҷӯён ба чорабинии факултетҳо ҳусни тоза мебахшид.