«60-СОЛИ ФАТҲИ КАЙҲОН»

Рӯзи 12 апрели соли 2021 дар факултети физикаи ДДОТ ба номи Садриддин Айнӣ конференсияи илмӣ-фарҳангӣ бахшида ба «Рӯзи кайҳоннавардон» таҳти унвони «60-соли фатҳи кайҳон» баргузор гардид. Конференсия бо иштироки намояндаи раёсати тарбияи донишгоҳ, декани факултет, муовинони декан, мудирони кафедраҳо, ҳайати омӯзгорон ва донишҷӯёни факултет баргузор гардид.

Нахуст декани факултетн.и.п., дотсент Умаров У.С. ҳозиринро ба муносибати «Рӯзи кайҳоннавардон» табрику таҳният гуфта, зикр намуд, ки ҳамасола 12-апрелро ҳамчун рӯзи кайҳоннавардон дар саросари ҷаҳон ҷашн мегиранд. Сипас маърӯзаҳои зерин аз ҷониби Лайло Мансур «12 апрел - рӯзи кайҳоннавардон», Қодирова Гулноза «Ракетаҳо ва парвозҳо ба кайҳон»,  Сафарбеки Ҳалим «Таърих ва инкишофи кайҳоннавардӣ» ва Эшонова Нозанин дар мавзӯи «Ҳаёт ва фаолияти Ю.А.Гагарин» пешкаши ҳозирин карда шуд.

Паёми шодбошии Президенти Ҷумҳурии Тоҷикистон, Пешвои миллат муҳтарам

Эмомалӣ Раҳмон ба муносибати фарорасии моҳи шарифи Рамазон

12.04.2021 08:00, шаҳри Душанбе

Ҳамватанони азиз!

Фардо моҳи шарифи Рамазон фаро мерасад.

Ба ин муносибат кулли сокинони кишварро табрик гуфта, ба ҳамаи онҳо нури имону маърифат, хайру баракат ва тамоми хушиҳои зиндагиро орзу менамоям.

Моҳи шарифи Рамазон дар баробари рӯзадорӣ моҳи озодагии рӯҳ ва имондориву тақво ба шумор рафта, вуҷуди инсонро аз ҳусни адабу маърифат ороста мегардонад.

Дар ин моҳ мусулмони комил фурӯтаниву шикастанафсиро пеша карда, хашму ғазабро аз худ дур месозад ва қалбашро ба макони меҳру муҳаббат табдил дода, бештар ба амали хайру савоб даст мезанад ва ба наздикону пайвандон, ҳамсояҳову дармондагон кумак расонида, мушкили онҳоро осон мегардонад.

Тоҷикон ин фаризаҳои дини мубини исломро то ба имрӯз идома дода, бо парҳезгорӣ, тоату ибодат, хайру саховат, некиву накӯкорӣ, эҳтироми падару модар ва хешовандону калонсолон шуҳрат пайдо кардаанд.

ТАҶЛИЛИ РӮЗӢ “ФРАНКОФОНИЯ” ДАР ДОНИШГОҲ

Санаи 9-уми апрели соли 2021 дар толори  бинои асосии ДДОТ ба номи Садриддин Айнӣ бахшида ба рӯзи байналмилалии забони франсавӣ “Франкофония” чорабинии фарҳангӣ бо иштироки ректори донишгоҳ, профессор Ғаффорӣ Н.У., Сафири фавқулода ва мухтори Ҷумҳурии Фаронса дар Тоҷикистон ҷаноби Мишел Тарран, масъули бахши фарҳангии Сафорати Фаронса дар Тоҷикистон хонум Лола Роже, муовини раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ Шарифова М., филмбардор ва аксбардори машҳур Заур Дахте, ҳамоҳангсози миллии барномаҳо: «Санъат ва фарҳанг»-и Дафтари Швейтсария оид ба ҳамкорӣ дар Тоҷикистон Баширова М., кормандони Маркази фарҳангии “Бохтар”, омӯзгорону донишҷӯёни ихтисосҳои забонҳои хориҷии донишгоҳ ва дигар муассисаҳои олии шаҳри Душанбе баргузор гардид.

ИДОМАИ СУҲБАТ-ВОХӮРИИ ГУРӮҲИ

ҶАВОНОНИ “АВАНГАРД” БО ДОНИШҶӮЁНИ ДОНИШГОҲ

Санаи 7-уми апрели соли 2021 дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ вохӯрии роҳбарияти гурӯҳи ҷавонони “Авангард”-и Ҷумҳурии Тоҷикистон бо донишҷӯёни донишгоҳ баргузор гардид. Дар вохӯрии мазкур роҳбари гурӯҳи ҷавонони “Авангард”-и Ҷумҳурии Тоҷикистон Қодирзода Фирӯз Маҳмадулло, намояндаи ШВКД дар н.И.Сомонии шаҳри Душанбе, подполковники миллитсия Ҳайдарзода Мастура, мудири шуъбаи тарбияи донишгоҳ Қобилҷон Иброҳимов, роҳбари гурӯҳи ҷавонони “Авангард” дар донишгоҳ Абдулхайр Абдураҳмонзода, намояндагони гурӯҳи ҷавонони “Авангард”-и Ҷумҳурии Тоҷикистон ва устодони донишгоҳ ширкат варзиданд.

ОҒОЗИ ОЗМУНИ «ИЛМ-ФУРӮҒИ МАЪРИФАТ» ДАР ДОНИШГОҲ

Санаи 05.04.2021 дар факултети географияи ДДОТ ба номи Садриддин Айнӣ даври аввали озмуни ҷумҳуриявии “Илм-фурӯғи маърифат” оғоз гардид. Озмуни мазкур дар як фазои озод баргузор гардида, он таҳти назорати олимони варзидаи соҳаи география Қаландаров А., Самиев А., Рауфов Р., Раҳимов М., Табаруков М., Сабуриён М. ва Азизов Н. сурат гирифт.

ЭЪЛОН!

Ба таваҷҷӯҳи донишҷӯён ва магистрон расонида мешавад, ки бо мақсади рушди тафаккури техникӣ, васеъ намудани ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илму истеҳсолот, баҳри амалисозии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», дар донишгоҳ даври аввали озмуни ҷумҳуриявии «Илм-фурӯғи маърифат» гузаронида мешавад.

АВАНГАРДОН – ПЕШСАФОНИ ИМРӮЗУ ОЯНДАИ МИЛЛАТ!

Санаи 1- уми апрели соли ҷорӣ дар асоси банди 3-юми нақша-чорабиниҳои тасдиқнамудаи роҳбарияти гурӯҳи ҷавонони"Авангард"-и ШВКД- и н. Исмоили Сомонии шаҳри Душанбе оид ба баргузории сӯҳбату вохӯриҳо бо донишҷӯёни Донишгоҳи давлатии омӯзгории Тоҷикистон ба номи Садриддин Айнӣ, дар ибтидо бо донишҷӯёни факултети психология ва таҳсилоти фарогир аз ҷониби гурӯҳи ҷавонони"Авангард"- и Ҷумҳурии Тоҷикистон сӯҳбат- вохӯрӣ таҳти унвони “Авангардон – пешсафони имрӯзу ояндаи миллат”баргузор карда шуд. Дар вохӯрии мазкур намояндаи ШВКД дар н. Исмоили Сомонии шаҳри Душанбе, подполковники милитсия Ҳайдарзода Мастура, раиси Шӯрои духтарони гурӯҳи ҷавонони "Авангард"- и Ҷумҳурии Тоҷикистон Омина Табарова, раиси Шӯрои духтарони гурӯҳи ҷавонони"Авангард"- и ноҳияи Исмоили Сомонӣ Манижа Азизова, мудири шӯъбаи тарбияи донишгоҳ Қобилҷон Иброҳимов, мудири шӯъбаи кор бо ҷавонони донишгоҳ М. Абдураҳмонов, роҳбари гурӯҳи ҷавонони "Авангард" дар донишгоҳ Абдулхайр Абдураҳмонов ва устодону донишҷӯён ширкат доштанд. Нахуст, мудири шӯъбаи тарбияи донишгоҳ Қ.Иброҳимов меҳмононро ба ин махзани илму дониш хайрамақдам гуфта, риштаи суханро ба Раиси Шӯрои духтарони гурӯҳи ҷавонони "Авангард"- и Ҷумҳурии Тоҷикистон Омина Табарова дод.

亚历山大·科尼亚泽夫称：塔西耶夫的言论是具有挑衅性和无法接受的。