• Tajik
  • Russian
  • English
There are no translations available.

Ҷашни Наврӯзи аҷам дар факултетҳои донишгоҳ

Тайёр  намудани  дастурхони  наврӯзӣ  яке  аз  хусусиятҳои  хоси  таҷлили  ҷашни  Наврӯз  ба  ҳисоб  меравад. Зеро  дар  ҷашни  Наврӯз  хӯрокҳои  баҳорӣ  бо  гиёҳҳои  шифобахши  ватанӣ  омода  карда  мешаванд. Бинобар  ин  санаи  15-уми  марти  соли  равон  дар  даромадгоҳи  факултети биология бо  ибтикори   садорати  факултет  дастурхони  идона  бахшида  ба  ҷашни  байналмиллалии  Наврӯз  омода  карда  шуд, ки  назари  ҳар  як  бинандаро  ба  худ  ҷалб  менамуд. Дар  дастурхони  идона  таъомҳои  миллии  тољикӣ  ва  баҳорӣ  аз он ҷумла  шакароб, суманак, оши  буридаю  туппа  мавҷуд  буданд, ки  аз  омад - омади  фасли  баҳор  ва  Наврӯзи  хуҷастапай  дарак  медиҳад. Инчунин  дар  ин  рӯз  дар  гирди  дастурхони  идона  гулдухтарони  факултет  бо  либосҳои  миллӣ  аз  он  ҷумла  атласу  адрас  ба  ин  намоиш  ҳусни  тоза  мебахшиданд.

 

*****
Дар  санаи  15-уми  марти  соли равон   дар факултети химия бо  ибтикори  омӯзгори  фанни  забони  русии  кафедраи умумидонишгоии забони  русӣ  Кулиев  А. дарси  кушод  дар  мавзӯи  «Наврӯз  эҳёгари  фарҳанги  миллӣ» баргузор  гардид. Дар  дарси  кушод, ки  ба  фарорасии  ҷашни  Наврӯзи  байналмилаллӣ  бахшида  шуда  буд  омӯзгорон  ва  донишҷӯёни  факултет  иштирок  ва  суханронӣ  намуданд. Инчунин  дар  синфхона  намоиши  ҳунарҳои  мардумӣ  ва  таъомҳои  миллӣ  аз  он  ҷумла  таъомҳои  наврӯзӣ  гузошта  шуда, донишҷӯён  дар  мавзӯҳои  Наврӯз, Ваҳдат, Баҳор, Ватан  ва Тоҷикистон  шеърҳо  қироат  намуданд. Бояд  қайд  кард, ки раванди  дарси  кушод  аз  ҷониби  садорати  факултет  ва  кафедраи умумидонишгоҳии забони  русӣ бо баҳои  баланд сазовор  гардонида шуда,  донишҷӯёне, ки  дар  ин  дарс  фаъолона  иштирок  намуданд  бо  раҳматномаву  сипосномаҳои  факултет  қадрдонӣ  карда  шуданд

*****

Наврӯз  яке  аз  ҷашнҳои  қадимаи  миллати  тоҷик  ба  ҳисоб  рафта, ҳамасола  21-уми  март  дар  саросари  кишвар бо  як  шукуҳу  шаҳомати  хоса  таҷлил  карда  мешавад. Дар  донишгоҳи  мо  низ  ин  ҷашнро  дар  сатҳи  баланд  таҷлил  мекунанд. Имрӯзҳо, ки  омад-омади  ин  ҷашни  куҳан  аст, дар  ҳама  факултаҳои  донишгоҳ  бо  расму  русуми  тоҷикона  ва  анъанаҳои  хоси  миллӣ  аз ин  ҷашн  пешвоз  мегиранд. Ҳамин  аст, ки  санаи  16-уми  марти  соли  равон  дар  факлтети  забонҳои романӣ - германӣ таҷлили  бошукуҳи  ин  ҷашн  баргузор  гардид. Садорати  факултети  забонҳои романӣ - германӣ бо  оростани  дастурхони  наврӯзӣ  ва  садои  дафу  карнай  аз  ин  ҷашни  пуршукуҳ  истиқбол  гирифтанд. Дар  дастурхони  идона  бештар  хурокҳое, ки  бо ҳарфҳои  «С»  ва «Ш»  сар  мешаванд  мавҷуд  буд. Бояд  қайд  кард, ки бинои  факултет  бо  расму  овезаҳои  наврӯзӣ  оро  дода  шуда  буд, ки  назари  ҳар як бинандаро  ба  худ  ҷалб  мекард.

photo 201.jpg - 123.04 Kbphoto 200.jpg - 101.60 Kb


Абдураҳмонов А

хабарнигори  ҷамоатии

«Омӯзгори ҷавон»

 

 




 
free pokerfree poker

 


 

Full name: Tajik State Pedagogical University named after Sadriddin Aini.Address: 734003, Dushanbe City, 121, Rudaki Avenue.
Telephone: +992(37) 224-13-83
WWW: www.tgpu.tj E-mail: info@tgpu.tj