Кӯмаки моддӣ ба нобиноён

Раёсати донишгоҳ бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии маъюбон, бепасарасторон ва муҳтоҷону ятимон дар асоси мактуби Ҷамъияти нобиноёни шаҳри Турсунзода санаи 16-уми  марти соли  2019 дар арафаи ҷашни Наврӯзи байналмиллалӣ ба 73 нафар нобиноён кӯмаки моддӣ расонид.

Кумаки моддӣ аз қабили  орд, равған ва шакар дастраси нобиноёни шаҳри Турсунзода гардонида шуд. Бо ин мақсад  аз ҷониби Раёсати донишгоҳ мудири шуъбаи тарбия Иброҳимов  К. А. бо ҳамроҳии як гурӯҳ донишҷӯён сафарбар карда шуда буданд.

Шуъбаи тарбияи

ДДОТ ба номи С. Айнӣ