Чорабинии фарҳангӣ-фароғатии факултети филологияи тоҷик

Садорати факултети филологияи тоҷик дар пайвастагӣ бо қисми тарбия сиёсати пешгирифтаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати дасти мадад дароз намудан ба қишри ниёзманди ҷомеаро ҷонибдорӣ намуда, санаи 29.04.2019 дар муассисаи давлатии «Маркази минтақавии хизмати иҷтимоӣ ба нафақахӯрон ва маъюбон»-и ноҳияи Исмоили Сомонӣ шаҳри Душанбе чорабинии фарҳангӣ - фароғатӣ доир намуд. Дар ин чорабинӣ и.в.декани факултет Адолат Мирзоалиева, мудири кафедраи назария ва таърихи адабиёт профессор Шамсиддин Солиҳов, муовини декан оид ба корҳои тарбиявӣ Абдураҳмонов Маъдӣ, лабаранти кафедраи назария ва таърихи адабиёт Самиева Нисо ва лабаранти кафедраи амалия ва назарияи забоншиносӣ Зоитова Моҳира ва созмонҳои ҷамъиятии факултет иштирок намуданд. Дар ин чорабинӣ  донишҷӯёни факултет бо барномаи фарҳангӣ - фароғатӣ хотири меҳмонон ва пиронсолонро болида гардониданд.

Дар фарҷом и.в.декани факултет Адолат Мирзоалиева баромад намуда, тӯҳфаҳои омоданамудаи садорати факултетро ба бошандагони муассисаи давлатии «Маркази минтақавии хизмати иҷтимоӣ ба нафақахӯрон ва маъюбон»-и ноҳияи Исмоили Сомонӣ шаҳри Душанбе тақдим намуданд.

Факултети филологияи тоҷики

ДДОТ ба номи С. Айнӣ