Бахшида ба соли рушди деҳот, сайёҳӣ ва ҳунарҳои мардумӣ

Дар таърихи 10-уми майи соли 2019 дар бузургтолори Донишгоҳи давлатии омӯзгории Тоҷикистон ба номи С.Айнӣ конференсияи илмию амалӣ дар мавзӯъи “Нақши ҳунарҳои мардумӣ дар рушд ва пойдории фарҳанги  миллӣ” бахшида ба соли рушди деҳот, сайёҳӣ ва ҳунарҳои мардумӣ эълон гардидани солҳои 2019 – 2021 баргузор гардид.

Тибқи барнома конференсияро ректори донишгоҳ профессор Ғаффорӣ Нӯъмонҷон Усмонзода ифтитоҳ намуда, гузаронидани чунин конференсияро бобати рушду пойдории фарҳанги миллӣ зарур шумориданд. Минбаъд мудири кафедраи “Технология, нақшакашӣ ва дизайн” дотсент Мухторова Г. дар мавзӯи “Фарҳанги мардум ва омилҳои муоссири он”, муаллими калони кафедраи “Таърихи халқи тоҷик” Маҳмудов Д. бо маърӯзаи худ “Асрори коинот дар чакани тоҷикӣ” баромад намуданд. Кафедраи “Технология, нақшакашӣ ва дизайн” дар гузаронидани конференсияи мазкур саҳмгузор буда, маводи ба кори конференсия ва бахшҳои он рабтдоштаро қабл аз баргузорӣ нашр намуда, ба иштирокчиён бобати шинсоӣ бо мавод пешниҳод намуданд.

Факултети технологияи  ДДОТ ба номи С. Айнӣ