Дарси тарбиявӣ бахшида ба Сарқонун

Дар Коллеҷи омӯзгории ба номи Хосият Махсумоваи донишгоҳ ба муносибати бузургдошти 600-солагии Мавлоно Абдураҳмони Ҷомӣ ва 20-солагии Сарқонуни Ҷумҳурии Тоҷикистон дар мавзӯи «Омӯзгор –қувваи пешбарандаи ҷомеа» дарси кушоди тарбиявӣ баргузор гардид. Дар ин чорабинии маърифатӣ донишҷӯёни факултаи таҳсилоти ибтидоӣ бо маърӯзаҳои қобили таваҷҷуҳ изҳори андеша намуданд. Ҳамзамон, донишҷӯён дар ситоиши омӯзгор аз ашъори шоирон абёти пурмазмун қироат карданд. Воқеан ҳам, гузаронидани чунин чорабиниҳо аҳамияти баланди ахлоқӣ дошта, дар тарбияи насли ҷавон муфид ва муассир арзёбӣ мегардад. Ҷавононро ба дӯст доштани Ватану арзишҳои миллӣ ва илмдӯстиву хештаншиносӣ ҳидоят мекунад.