Мулоқоти судманд

17-уми феврал мақомоти иҷроияи ҳокимияти давлатии ноҳияи Шаҳристон бо сардории раиси ноҳия Умар Ёқубзода, мудири шуъбаи маорифи ноҳия Ю.Бӯриев, раиси молия Меликов бо донишҷӯёне, ки дар шаҳри Душанбе таҳсил доранд, дар донишгоҳ вохӯрӣ барпо намуданд.

Раиси ноҳия дар суханрониаш иброз дошт, ки Асосгузори сулҳу ваҳдати миллӣ-Пешвои миллат, Президенти мамлакат, муҳтарам Эмомалӣ Раҳмоy дар Паёми худ имсолро Соли ҷавонон эълон карданд. Ӯ ҷавононро такягоҳ ва неруи муҳими ояндасози миллат медонанд. Ҷавонон бояд ба ин боварӣ сазовор бошанд.

Барои ҳавасмандгардонӣ ба тамоми донишҷӯёни ноҳияи Шаҳристон ёрдампулии яквақта аз ҷониби мақомоти иҷроияи ҳокимияти давлатии ноҳияи Шаҳристон тақдим карда шуд. Ҳамчунин, донишҷӯёни фаъол бо ифтихорномаҳо қадрдонӣ гардиданд.

Дилафрӯз Муқимова,

хабарнигори ҷамоатии «Омӯзгори ҷавон»