Бар асоси квота 238 нафар соҳиби номи донишҷӯ дар Донишгоҳи давлатии омӯзгорӣ шуданд

Имсол 238 нафар бар асоси квота ба факултаҳои гуногуни Донишгоҳ қабул шуданд.

Искандар Сулаймонов-Директори маркази бақайдгирӣ ва машваратии Донишгоҳи омӯзгорӣ дар суҳбат бо хабарнигори мо гуфт, ки  аз ҷумлаи ин 238 нафар 191 нафар аз ҳисоби квотаи соли 2017, 11 нафар квота барои ноҳияи Мурғоби ВМКБ вориди донишгоҳ шуданд.

Ба гуфтаи манбаъ шаш нафари дигар бо дархости диаспораҳои тоҷикони бурунмарзӣ аз Федератсияи Русия, Қирғизистон, Қазоқистон, Ӯзбекистон ва тоҷикони Ҷумҳурии Исломии Афғонистон ба факултаҳои мухталифи донишгоҳ шомил гаштанд.

8 нафари дигар тибқи бурсияҳои таҳсилотӣ бар асоси Созишномаҳои байниҳукуматӣ ва як нафар аз зумраи фарзандони маъюбони фоҷеаи Чернобил донишҷӯи Донишгоҳи давлатии омӯзгории ба номи Садриддин Айни шуданд.