Тарбияи ахлоқ ва тафаккури маънавӣ

Мутобиқ ба дархости Мақомоти иҷроияи ҳокимияти давлатии шаҳри Душанбе аз 7-уми ноябри соли 2019 ва тибқи нақшаи пешниҳодшуда имрӯз 14-уми ноябри соли равон дар Донишгоҳи давлатии омӯзгории Тоҷикистон ба номи Садриддин Айнӣ, доир ба масъалаҳои солимии оила, фарҳанги оиладорӣ, риояи танзими анъана ва ҷашну маросим, масъулияти падару модар  дар таълиму тарбия, пешгирии ҷинояткорӣ, бемориҳои сироятӣ, аз ҷумла ВНМО/БПНМ, нашъамандӣ, терроризму ифротгароӣ ва таҳкими ҳаёти солими оила ҳамоиши маърифатӣ – тарбиявӣ доир гардид. Дар ин чорабинӣ сардори Сарраёсати маорифи шаҳри Душанбе Маҳмадалӣ Азизӣ, раиси Кумитаи забон ва истилоҳоти назди Ҳукумати Ҷумҳурии Тоҷикистон Шарофзода Гавҳар, шоир Ворис Назарзода, сардори раёсати тандурустии шаҳри Душанбе Хушвақт Шарифзода , мудири шӯъба оид ба дин, танзими анъана ва ҷашну маросимҳои дастгоҳи Раиси шаҳри Душанбе  Абдуаллим Норасов ва устоди донишгоҳи милли Тоҷикистон Сайфиддин Расулов ширкат варзида, маърӯзаҳо карданд.

Сипас, перомуни гузоришҳо муҳокимаву андешарониҳои устодону донишҷӯён сурат гирифт. Дар поёни ҳамоиш ректори Донишгоҳи давлатии омӯзгории Тоҷикистон ба номи Садриддин Айнӣ Ғаффорӣ Нуъмонҷон Усмонзода аз меҳмонон ва иштирокчиён изҳори ташаккур намуда, таъкид карданд, ки минбаъд низ чунин ҳамоишҳои судманд дар донишгоҳ бисёртар гузоронида мешаванд.

Шуъбаи тарбия