• Tajik
  • Russian
  • English
There are no translations available.

 

НИСБАТ БА САЛОМАТӢ БЕПАРВО НАБОШЕМ!

167.jpg - 77.58 KbДар Донишгоҳи давлатии омӯзгории Тоҷикистон ба номи Садриддин Айнӣ аз санаи 3-юми апрели соли 2020 бо фармоиши ректори донишгоҳ нақшаи чорабиниҳои ситоди дохилидонишгоҳӣ дар бораи роҳандозии корҳои фаҳмондадиҳиву пешгирӣ аз паҳншавии касалии сироятии коронавируси СOVID-2019 ба тасвиб расида, масъулин чораҳои амалиро дар самти мазкур роҳандозӣ намуда истодааанд.

Ҷаласаи ғайринавбатии раёсати донишгоҳ вобаста ба тартиб ва риояи ҳолатҳои санитариву гигиенӣ ва пешгирӣ аз сирояти бемории коронавирус санаи 6-юми апрели соли 2020 дар толори шӯрои олимон доир гардид.

Нуъмонҷон Ғаффорӣ – ректори донишгоҳ ҷаласаро ифтитоҳ намуда, иброз дошт, ки дар доираи талаботи нақшаи чорабиниҳои ситоди ҷумҳуриявӣ дар самти қавӣ намудани чораҳои зидиэпидемӣ (карантин)  дар давраҳои чораҷӯиҳои маъмурӣ ва тиббию беҳдоштӣ барои пешгирии паҳншавии касалии сироятии коронавируси СOVID-2019 ва барҳам додани манбаи онҳо дар миёни донишҷӯёни донишгоҳ корҳои таблиғотӣ барои риояи ҳолатҳои санитарӣ чораҳои амалӣ андешида шавад.

Инчунин дар ҷаласа зикр гардид, ки бурдани корҳои таблиғотиву таъкидӣ аз қабили тозагӣ, шӯстани дастҳо бо собун ва бо худ гирифтани маводҳои зиддисироятӣ (моеи спиртӣ) барои пок кардани дастон ва гирифтани ниқоби зиддивирусӣ дар миёни донишҷӯён ба роҳ монда шуда, ҷиҳати безараргардонии роҳраву синфхонаҳо, ташнобҳо, шӯстани хобгоҳҳои донишҷӯёни донишгоҳ бо истифода аз маводҳои зиддисироятии хлор чораҳои амалӣ андешида шавад.

Бояд зикр намуд, ки ҳамарӯза дар давраҳои чораҷӯиҳои маъмурӣ ва тиббию беҳдоштӣ барои пешгирии паҳншавии касалии сироятии коронавирус дар назди даромадгоҳҳои бинои асосӣ ва факултаҳои донишгоҳ аз ҳисоби омӯзгорон навбатдорӣ ташкил карда шудааст.

 

 

 
free pokerfree poker

 


 

Full name: Tajik State Pedagogical University named after Sadriddin Aini.Address: 734003, Dushanbe City, 121, Rudaki Avenue.
Telephone: +992(37) 224-13-83
WWW: www.tgpu.tj E-mail: info@tgpu.tj