Раёсати ДДОТ: Донишҷӯёнро дастгирӣ мекунем

Истиклолияти давлатии Ҷумҳурии Тоҷикистон барои рушду пешрафти ДДОТ шароити мусоид фароҳам овард. Дар давоми се даҳсолаи ахир вобаста ба талаботи замон ва бозори меҳнат як қатор кафедраҳо, ихтисосҳо ва факултетиҳои нав таъсис ёфтанд ва ҳамкориҳои бисёрҷониба бо муассисаҳои олии таълимии мамолики хориҷӣ вусъат ёфтаанд. Аз 20786 донишҷӯи айни замон дар ин даргоҳи дониш таҳсил намуда истода 4020 нафар шаҳрвандони давлатҳои ҳамсоя мебошанд. Аз ин шумора 2262 нафар дар шуъбаи рӯзона ва 1758 нафар дар шуъбаи ғоибона мехонанд.

Дар нишасти матбуотӣ, ки 15 июли соли равон баргузор гардид, ректори донишгоҳ қайд намуд, ки дар робита бо мушкилоти эҷод намудаи пандемияи коронавирус ва муваққатан бе манбаи даромад мондани қисме аз аҳолии кишвар донишҷӯён то ҳадди имкон дастгирӣ мешаванд. Зикр карда шуд, ки давоми соли таҳсили ба итмом расида ягон нафар донишҷӯ ба хотири напардохтани маблағи шартнома аз донишгоҳ хориҷ нашудааст.