АРТИШИ МИЛЛӢ-СИПАРИ БОЭЪТИМОДИ ВАТАН

Таҳти ҳамин унвон санаи 20-уми феврали солии 2021 дар факултети филологияи тоҷики ДДОТ ба номи Садриддин Айнӣ чорабинӣ бахшида ба 28-умин солгарди таъсисёбии Қувваҳои мусаллаҳи Ҷумҳурии Тоҷикистон бо иштироки омӯзгорону донишҷӯён баргузор гардид. Нахуст, чорабиниро муовини декан оид ба корҳои таълим Умедҷони Лоиқшо ҳусни оғоз бахшид. Пас аз он, мудири шуъбаи кор бо ҷавонони донишгоҳ Абдураҳмонов Маъдӣ дар мавзӯи “Артиши миллӣ-сипари боэътимоти Ватан” доир ба хизматҳои Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон, ки дар як вазъияти душвор бо азму иродаи қавӣ Артиши миллиро таъсис додаанд, андешаронӣ намуд. Дар фарҷоми чорабинӣ аз ҷониби донишҷӯёни соли дуюми факултет, зери роҳбарии асистенти кафедраи назария ва амалияи забоншиносӣ Гулнораи Наим барномаи фарҳангӣ иборат аз шеърҳои ватандӯстонаву рақсу суруд ва саҳнача аз ҳаёти сарбозони Ватан пешкаши иштирокчиён гардонида шуд.

Суратгузориш аз рафти баргузории чорабинӣ: