САҲМИ САДРИДДИН АЙНӢ ДАР РУШДУ ФАРҲАНГИ ХАЛҚИ ТОҶИК

Таҳти ҳамин унвон 15 апрели соли 2021 дар Осорхонаи адабии Садриддин Айнӣ дар ҳамкорӣ бо Донишгоҳи давлатии омӯзгории Тоҷикистон ба номи Садриддин Айнӣ чорабинии варҳангӣ-фароғатӣ бахшида ба 143-солгарди зодрӯзи Қаҳрамони Тоҷикистон устод Садриддин Айнӣ бо иштироки меҳмонон ректори донишгоҳ д.и.т., профессор Ғаффорӣ Нӯъмонҷон Усмонзода, муовинони ректор, Ҳунарпешаи халқии ҶШС Тоҷикистон Марям Исоева, директори Институти забон ва адабиёти ба номи Рӯдакӣ Боймурод Шарифзода, доктори илмҳои санъатшиносӣ, профессор Аслиддин Низомов, раиси Кумитаи сулҳ ва ризоияти миллӣ Латофат Шарифова, декани факултети филологияи тоҷик д.и.ф., профессор Рухшона Восиева ва мудирони кафедраҳо ва ҳайати омӯзгорону донишҷӯёни факултет баргузор гардид.

Нахуст ректори донишгоҳ Нӯъмонҷон Ғаффорӣ аз хизматҳои бузурги устод Садриддин Айнӣ суханронӣ намуда,  ҳозиринро хушомадед намуд. Сипас Боймурод Шарифзода, Аслиддин Низомов ва Солеҳов Шамсиддин ҳангоми суханронии худ доир ба рӯзгору осори устод Айнӣ андешаҳои ҷолиб намуданд. Дар идомаи чорабинӣ  Ҳунарпешаи халқии ҶШС Тоҷикистон Марям Исоева аз мулоқот бо устод Айнӣ ва панду насиҳатҳои падаронаи ӯ ёдовар шуд. Дар фарҷоми чорабинӣ барномаи фарҳангӣ иборат аз шеъру суруд аз осори шоир, порчве аз қиссаи  повести “Марги судхӯр”, гуфтори бузургон дар васфи устод Айнӣ ва порчаҳо аз рӯзгори устод манзурӣ тамошобинон гардид.

Аҳли нишаст ба ҳунару маҳорати донишҷӯён баҳои баланд доданд.