АҶАБ ШАҲРИ ДИЛОРОӢ ДУШАНБЕ...

Имрӯз, 17.04.2021 дар толори бинои асосии донишгоҳ бахшида ба “Рӯзи пойтахт” чорабинии фарҳангӣ таҳти унвони “Аҷаб шаҳри дилороӣ Душанбе...” баргузор гардид. Дар чорабинии мазкур аҳли раёсати донишгоҳ ва донишҷӯёни ин боргоҳи таълимӣ  ширкат доштанд. Нахуст ректори донишгоҳ профессор Ғаффорӣ Н.У. баромад намуда, бо ишора аз ободониву гулгулшукуфоии пойтахти азизамон- шаҳри Душанбе ба чорабинии мазкур ҳусни оғоз бахшид. Сипас, мудири шуъбаи тарбияи донишгоҳ Иброҳимов Қ. оид ба эълон шудани  шаҳри  Душанбе ҳамчун пойтахти фарҳангии ИДМ маърӯзаи пурмуҳтаво кард. Дар идома аз тарафи ансамбли “Чеҳранамо”-и донишгоҳ барномаи фарҳангӣ пешкаши ҳозирин гардонида шуд, ки хеле ҷолибу хотирмон буд.

Суратгузориш аз рафти чорабинӣ: