СИТОДИ НАВБАТӢ МАСЪАЛАҲОИ МУҲИМИ ДОНИШГОҲРО БАРРАСӢ НАМУД

Имрӯз Аҳлиддин Ибодуллозода, ректори донишгоҳ ҷаласаи ситодро аз баррасии масъалаҳои ҷараёни имтиҳони сессияи навбатии шуъбаи таҳсилоти фосилавӣ, фаъолияти боғи агробиолабораторӣ ва Маркази касбомӯзии донишгоҳ дар шаҳри Норак оғоз намуд. Ректори донишгоҳ муовини ректор оид ба корҳои таълимӣ ва деканони факултетҳоро вазифадор намуд, ки раванди иштироки донишҷӯёнро дар дарсҳои иловагӣ (триместр) таъмину назорат намоянд. Ҳамзамон Аҳлиддин Ибодуллозода ба муовинони ректор оид ба корҳои таълим, илм, тарбия, робитаҳои хориҷӣ ва деканҳо дастур дод, ки рафти таҷрибаомӯзии донишҷӯёнро дар боғи агробиолабораторӣ ҷиддӣ назорат кунанд.