БАРРАСИИ ВАЗЪИ ЛАБОРАТОРИЯҲОИ ДОНИШГОҲ БО МУШОВИРОНИ МИЛЛИИ ЮНЕСКО

Имрӯз муовини ректор оид ба робитаҳои байналмилалӣ Худойдодзода Ф. ва деканону омӯзгорони факултетҳои математика, физика, химия, биология, иқтисодиёт ва идоракунӣ дар соҳаи маориф ба хотири беҳтар намудани шароити корӣ дар лабораторияҳои донишгоҳ бо мушовирони миллии Созмони маориф, илм ва фарҳанги Созмони Милали Муттаҳид (ЮНЕСКО) вохӯрӣ баргузор намуданд.

Дар вохӯрӣ вазъи лабораторияҳои таълимӣ, омӯзиши илмҳои табиӣ-риёзӣ ва дақиқ баррасӣ гардида, барои ҳамкорӣ ҷиҳати муҷаҳҳаз намудани лабораторияҳои донишгоҳ бо лавозимоти кории муосир ба татбиқкунандагон пешниҳодҳои зарурӣ дар шакли лоиҳа ирсол карда шуд.

Ҳамзамон ҷонибҳо ба мувофиқа расиданд, ки деканон ва омӯзгорони факултетҳо нақшаҳо ва лоиҳаҳои грантиеро ки ниёз ба дастгирии молиявӣ доранд, ба намояндагони Созмони маориф, илм ва фарҳанги Созмони Милали Муттаҳид (ЮНЕСКО)ҷиҳати амалӣ намудан пешниҳод намоянд.