ҶАЛАСАИ ШӮРОИ ОЛИМОН: СИФАТИ ИЛМУ ТАЪЛИМ БОЗ ҲАМ БЕҲТАР МЕШАВАД!

Нахустин ҷаласаи нақшавии Шӯрои олимони донишгоҳ таҳти раисии Аҳлиддин Ибодуллозода, ректори донишгоҳ пеш аз оғози соли нави таҳсили 2022-2023 дар толори васеи бинои асосӣ баргузор гардид. Дар ҷаласа нақшаи кори Шӯрои олимон барои соли таҳсили 2022-2023, ки аз 43 масъалаи муҳими вобаста ба пешрафт ва рушди ҳамаи самтҳои донишгоҳ таҳия гардида аст, аз ҷониби ҳайати нави Шӯрои олимон тасдиқ гардид. Маврид ба зикр аст, ки ҳар тасмим ва қарорҳое,  ки дар ҷаласаҳои Шӯрои олимон қабул карда мешавад, бо мақсади рушди сатҳу сифати илму таълим дар донишгоҳ мебошад.