БАРРАСИИ ҲИСОБОТИ СОЛОНАИ ФАЪОЛИЯТИ ИЛМИИ ФАКУЛТЕТИ ГЕОГРАФИЯ

Тибқи нақша дар таърихи 28 ноябри соли 2022 дар факултети географияи Донишгоҳи давлатии омӯзгории Тоҷикистон ба номи Садриддин Айнӣ ҷаласаи ҳисоботӣ баргузор гардид, ки дар он муовини ректор оид ба корҳои илми донишгоҳ, профессор Сангинзод Д.Ш., сардори раёсати илм ва инноватсия Идиев С., сардори раёсати таълим Сулаймонов И., мудири бахши табъу нашр Мардонзода Ҷ.,  садорати факултет, мудирони кафедраҳо ва як қатор омӯзгорон-аъзои шурои олимони факултет  ширкат варзиданд.

Ҷаласаи ҳисоботиро декани факултет Қаландаров А. ифтитоҳ намуд, Сипас ҳисоботи солонаи фаъолияти илмии факултет аз тарафи муовини декан оид ба корҳои илмӣ Имомов А. ироа гардида, мавриди баррасӣ қарор дода шуд.Вобаста ба нуқсу камбудиҳои ҷойдошта эроду музокираҳо пешниҳод гардиданд. Дар фарҷом муовини ректор оид ба корҳои илмӣ, профессор Сангинзод Д.  фаъолияти илмии факултетро қаноатбахш дониста, ба устодони факултет барои тайёр намудани кадрҳои илмӣ-педагогӣ, корҳои илмӣ-тадқиқотӣ, чопи китобҳои дарсӣ ва мақолаҳои сатҳи байналмилалӣ изҳори минатдорӣ баён намуд. Ҳамзамон, мавсуф барои дар оянда тақвият додани фаъолияти илмӣ ба онҳо маслиҳатҳои муфид дод.Таъкид гардид, ки марбут ба ислоҳи камбудиҳо ба Раёсати донишгоҳ маълумотнома ирсол карда шавад.