Дар ин чорабинии варзишӣ дастаҳои донишҷӯдухтарон фаъолона иштирок намуда, маҳорати баланди бозӣ, ҳамоҳангӣ ва иродаи қавии худро нишон доданд. Мусобиқа дар фазои дӯстӣ ва эҳтироми ҳамдигар сурат гирифта, барои таҳкими ҳамбастагӣ миёни донишҷӯён заминаи мусоид фароҳам овард.

Ҳадаф аз баргузории чунин мусобиқаҳо тарғиби тарзи ҳаёти солим, ҷалби ҷавонон ба варзиш ва рушди қобилиятҳои ҷисмонӣ мебошад. Чунин иқдомҳо ба баланд бардоштани рӯҳияи донишҷӯён ва рушди фарҳанги варзиш дар байни ҷавонон мусоидат менамоянд.