2-юми ноябри соли ҷорӣ Аҳлиддин Ибодуллозода ректори Донишгоҳи давлатии омӯзгории Тоҷикистон ба номи Садриддин Айнӣ дар Форуми соҳибкорӣ ва ҳамкориҳои тиҷоратию иқтисодӣ байни Тоҷикистон ва Чин (НМСӮ) иштирок намуда.

Дар форуми мазкур байни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи омӯзгории Синзяни ноҳияи мухтори Синзян-Уйғури Ҷумҳурии Мардумии Чин созишномаи ҳамкорӣ ба имзо расид.

Бояд тазаккур дод, ки тибқи муқаррароти созишномаи мазкур табодули академии донишҷӯён, курсҳои такмили ихтисоси омӯзгорон, таҳқиқоти илмии муштараки олимону муҳаққиқони ҷонибҳо, инчунин чорабиниҳои илмии мушатарак ва даъвати профессорону омӯзгорон дар доираи санадҳои меъёрии ҳуқуқии ҷонибҳо ба роҳ монда мешавад.

Созишномаҳои имзошударо ректори донишгоҳ Аҳлиддин Ибодуллозода ва ректори Донишгоҳи омӯзгории Синзян Вуманжан Айли ба ҳамдигар тақдим намуда, баҳри рушди ҳамкориҳои минбаъда барору комёбӣ таманно намуданд.

Дар фарҷоми чорабинӣ ба меҳмонон тӯҳфаҳои хотиравӣ тақдим карда шуд.