Хабарҳо |
There are no translations available.
ТАШАККУЛИ НИЗОМИ НАВИ ШАБАКАҲОИ ТЕЛЕВИЗИОНӢ ДАР ТОҶИКИСТОН
![]() Воситаҳои электронии ахбори оммаро дар шароити имрӯза бе интернет тасаввур кардан номумкин аст, аз ин рӯ, боби чаҳорум пурра суду зиёни интернет ва шабакаҳои иҷтимоиро дар бар мегирад.
Боби панҷум ба «Рушди фаннӣ ва ниҳодҳои зертобеи соҳа дар замони истиқлол», ки кори онҳо ба фаъолияти телевизион тавъам аст, бахшида
шудааст.
Муаллиф низоми нави шабакаҳои телевизионии замони истиқлолро аз рӯи хусусияти воқеаҳои сиёсиву иҷтимоӣ, инъикоси мавзуъ, дарбаргирии аудитория, фарогирии минтақаи пахш, рушди технологияи муосир, моликият ва тааллуқоти молӣ ба низоми телевизионҳои давлатӣ (ҷумҳуриявӣ ва минтақавӣ) ва ғайридавлатӣ (ҷамъиятӣ ва хусусӣ) тақсимбандӣ карда аст. Бори нахуст зинаҳои рушди телевизиони «Тоҷикистон» ба ду марҳила ва панҷ давра гурӯҳбандӣ шуда, роҷеъ ба шабакаҳои телевизионии насли нав маълумоти фишурда дар ихтиёри хонанда вогузор гардидааст.
Китоб барои рӯзноманигорон, пажуҳишгарони соҳа, устодон ва шогирдони донишгоҳҳо, муаррихон ва кормандини ВАО, хоса телевизион ба сифати манбаи муътамад хизмат менамояд.
Хотиррасон менамоем, ки китобҳои Таърихи радиои Тоҷикистон (2 қисм), Таърихи телевизиони Тоҷикистон, Вожаномаи русӣ ба тоҷикии истилоҳоти соҳаи радио ва телевизион, Донишномаи радио ва телевизиони Тоҷикистон ва ѓ.-ҳо ба қалами С. Хоҷазод тааллуқ доранд.
|