Хабарҳо |
БАРГУЗОРИИ КОНФЕРЕНСИЯИ ИЛМӢ - АМАЛӢ ДАР МАВЗУИ
“ТАҚВИЯТ БАХШИДАНИ МУҚОВИМАТ БА КОРРУПСИЯ ДАР СОҲАИ МАОРИФ” ДАР ҲОШИЯИ ЭЪЛОН ГАРДИДАНИ “СОЛИ МАЪРИФАТИ ҲУҚУҚӢ”
![]() Конференсияро муовини ректор оид ба корҳои илмии Донишгоҳ Сангинзод Дониёр оғоз намуда, зикр намуд, ки ҳанӯз аз оғози даврони Истиқлолияти
давлатии Ҷумҳурии Тоҷикистон
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо хиради
азалӣ ва заковати дурбинона ҷиддияти масъалаҳои экстремизму терроризм ва ҷаҳонишавии коррупсияро, ки ҷомеаи ҷаҳониро ба ташвиш оварда буд, сари вақт дарк намуда, муқовимати оштинопазирро бо ин падидаҳои номатлуб дар меҳвари сиёсати хеш қарор доданд. Таъкид гардид, ки дар таърихи Тоҷикистони навин тамоми масъалаҳо вобаста ба ташкилу фароҳам овардани заминаҳои ҳуқуқӣ ва татбиқи амалии муқовимат ба коррупсия бевосита аз иродаи олии сиёсии ин абармарди таърихӣ сарчашма гирифта, ташаббусҳои ин сиёсатмадори барҷаста дар ин ҷода беназир мебошанд.
Дар идома иштирокчиёни конференсия дар мавзуъҳои ҷанбаҳои ҳуқуқии пешгирии коррупсия дар муассисаҳои
таълимии таҳсилоти олии касбӣ, таҳлили хавфҳои коррупсионӣ, экстремизм ва терроризм:умумият ва фарқияти онҳо ва нақши ниҳодҳои давлатӣ ва сиёсию ҷамъиятӣ дар мубориза бар зидди коррупсия маъруза карданд. Баъд аз шунидани маърузаҳо оид ба масъалаи мазкур мубодилаи афкори судманд сурат гирифт.
Дар маҷмуъ чорабинӣ дар фазои руҳияи зиддикоррупсионӣ сурат гирифта, ба боварӣ метавон гуфт, ки натиҷаҳои он аъсири мусбии худро ҷиҳати дар ҷомеа ба вуҷуд овардани муносибати оштинопазир ба ҳуқуқвайронкуниҳои ба коррупсия алоқаманд ва баланд бардоштани савияи донишу фарҳанги ҳуқуқӣ мерасонад.
|