Ҷаласаҳои онлайнӣ бо Элиз Бриттайн дар

ДДОТ ба номи Садриддин Айнӣ

Моҳи сентябри соли равон дар Маркази Ресурсии Англисӣ факултети забони англисии ДДОТ ба номи Садриддин Айнӣ ҷаласаҳои онлайнӣ бо Элиз Бриттайн оғоз гардиданд.

Ҳамасола дар ДДОТ ба номи Садриддин Айнӣ курсҳои такмили ихтисос бо иштироки омӯзгорони забони англисии факултети забони англисӣ ташкил ва гузаронида мешавад. Ин курсҳо самаранок ва натиҷабахш буда, ҳамаи иштирокчиён соҳиби шаҳодатномаҳои сафорати ИМА мешаванд. Аз 22-юми сентябри соли 2020 Интерн Виртуалӣ ҷаласаҳои онлайнро бо 2 гурӯҳи муаллимони гуногуни забони англисӣ дар ДДОТ ба номи С.Айнӣ оғоз намуд. Машғулиятҳо ҳафтае 2 маротиба дар рӯзҳои сешанбе ва панҷшанбе баргузор мегарданд. Маркази захираҳои забони англисӣ мулоқоти Zoom баргузор мекунад ва ҳамоҳангсоз Гулчеҳра Очилова ва ёвари ӯ Наимҷон Ғуломов пайванди Zoom-ро ба дигарон ирсол менамоянд то ки аз телефонҳои дасти худ ворид шуда, дар дарсҳои онлайнӣ битавонанд иштирок кунанд, гарчанде ки ҳамаи онҳо наметавонанд дар нишастҳо ширкат варзанд.

Elise Brittain рӯйхати мавзӯъҳоро барои 10 ҳафта омода кардааст.

Стратегияҳое, ки ба ҷаласаҳо асос ёфтаанд, аз рӯи самтҳои зерини гузаронида мешаванд:

• Ҳавасмандкунии донишҷӯён

• Истифодаи технологияи интернет, PowerPoint, омӯзиши онлайн, YouTube ва ғ.)

• Бо синфи калон сухан гуфтанро омӯхтан

• Стратегияи таълимӣ барои гап задан, шунидан, хондан ва навиштан

• Талаффуз

• Таълими синфии коммуникатсионӣ.

Фарзона Раҳмонова