ДАРДИ ТУ БЕҲ АЗ ДАВОСТ, ЭЙ ДӮСТ!

Рӯзи 9 - уми ноябри соли ҷорӣ, бахшида ба 700 - солагии шоири маъруфи тоҷик шайх Камоли Хуҷандӣ дар “Телевизиони Тоҷикистон” барнома-озмуни “Базми шеър” иборат аз се бахш, якум “қироати шеър” дуюм “зарбулмасал” ва сеюм “байтбарак” пурра дар асоси ашъори Камоли Хуҷандӣ доир мегардад. Ин иқдом ба хотири эҳтироми бузургон ва пос доштани ашъори ватандӯстонаи онҳо мебошад, ки Асосгузори  сулҳу ваҳдати миллӣ, Пешвои – миллӣ муҳтарам Эмомалӣ Раҳмон низ таваҷҷуҳи зиёд зоҳир намуда, дар Паёми имсолаи худ таъкид карданд, ки соли 2020 700 солагии шоир Камоли Хуҷандӣ бо шукӯҳ таҷлил мешавад.

Рӯзи  4.11.2020 дар толори шӯрои олимони факултети филологияи тоҷики Донишгоҳи давлатии омӯзгории тоҷикистон ба номи Садриддин Айнӣ байни донишҷӯёни факултетҳои донишгоҳ озмуни базми шеър аз осори Камоли Хуҷандӣ баргузор гардид. Дар озмун 21 нафар донишҷӯён, ки маҳорати хуби шеърдонӣ ва шеърхонӣ доштанд номнавис шуда, донишгоҳро муаррифӣ мекунанд.