БУЗУРГОНРО БУЗУРГОН ЗИНДА МЕДОРАНД... Рӯзи 28.11.2020 дар толири бинои асосии ДДОТ ба номи Садриддин Айнӣ бо ташаббуси садорати факултети таърих конференсияи илмӣ – назариявӣ дар мавзӯи “Саҳми академик Мулло Эркаев ва профессор Одил Маҷлисов дар рушди илми таърихи ватанӣ” бо иштироки меҳмонон ва устодону донишҷӯён доир гардид. Нахуст, чорабиниро муовини ректор оид ба корҳои илмӣ д.и.б., профессор Мирзораҳимов А., оғоз намуд. Дар идома, маърӯзаҳо аз ҷониби д.и.т., профессори кафедраи таърихи халқи тоҷик Ҳайдаршо Пирумшо дар мавзӯи “Ҳаёт ва фаъолияти илмии академик Мулло Эркаев”, директори Институти таърих, бостоншиносӣ ва мардумшиносии ба номи А.Дониши АМИТ д.и.т., профессор Убайдулло Насрулло Каримзода дар мавзӯи “Профессор Одил Маҷлисов – омӯзгор ва муаррихи шинохта”, ва мудири кафедраи таърихи халқи тоҷик н.и.т., Фозилова М., дар мавзӯи “Инъикоси ҳаёти занони тоҷик дар осори академик Мулло Эркаев” шунида шуд.
|