|
There are no translations available.
Ифтитоҳи Маркази логистикии Агентии захираҳои моддии давлатӣ дар ноҳияи Рӯшон
20.08.2020 13:42, ноҳияи Рӯшон
20 август Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Маркази логистикии Агентии захираҳои моддии давлатӣ назди Ҳукумати Ҷумҳурии Тоҷикистон дар ноҳияи Рӯшон ҷойгир аст, мавриди истифода қарор доданд.
Базаи навбунёди замонавӣ дар ин ноҳияи дурдасти мамлакат дар масоҳати 1,5 гектар бунёд гардида, дорои 5 анбори бузургҳаҷм аз ҷумла, 3 анбори маводи ғизоӣ, як анбори маводи сухт, як анбори масолеҳи сохтмонӣ ва дигар иншооти ёрирасон мебошад. Дар маҷмуъ ин анборҳо иқтидори як ҳазору 500 тонна маводи зарурии рӯзгорро доранд.
Маврид ба таъкид аст, ки Базаи Агентии захираҳои моддии давлатии назди Ҳукумати Ҷумҳурии Тоҷикистон дар Вилояти Мухтори Кӯҳистони Бадахшон воқеъ дар ноҳияи Рӯшон бевосита бо супориши Президенти Ҷумҳурии Тоҷикистон муҳтарам Эмомалӣ Раҳмон бо мақсади ба танзим даровардани нарх ва таъмин намудани аҳолӣ бо маводи ғизоӣ, сузишворӣ ва масолеҳи сохтмонӣ дар мавсимҳои гуногуни сол бунёд карда шудааст.
Корҳои сохтмонӣ дар ин иншооти муҳим соли 2017 оғоз гардида, бо ҷалби беш аз 150 нафар мутахассиси маҳаллӣ бо сатҳу сифати баланд ва мутобиқ ба меъёрҳои замони муосир анҷом ёфтааст. Дар базаи мазкур бинои ду ошёнаи маъмурӣ сохта шудааст, ки 10 утоқи кории муҷаҳҳаз бо дастгоҳу таҷҳизоти зарурӣ ва ҳуҷраҳои хоб барои кормандон дорад. Ҳамчунин дар ин бино ошхона бо 40 ҷойи нишаст мавҷуд аст. Барои дастрасии мардум бо маводи аввалияи ғизоӣ ду мағозаи доимоамалкунандаи фуруши маҳсулот низ таъсис ёфтааст.
|
|
|
Хабарҳо
|
|
CONTROL MEETING OF THE UNIVERSITY RECTOR
Today, under the chairmanship of Ahliddin Ibodullozoda was held a control meeting of the university rector. The meeting discussed urgent issues related to education, upbringing, science, and international relations of the institution. To address these issues, the rector gave instructions and assignments to the vice rectors of various departments, deans of faculties, and other responsible individuals.
|
|
Хабарҳо
|
|
 PARTICIPATION OF UNIVERSITY REPRESENTATIVES IN THE FIRST WORLD CUP "CITY MOUNTAINBIKE-2025" IN MOUNTAIN BIKING, HELD IN THE CITY OF DUSHANBE AT THE INITIATIVE OF THE EXECUTIVE BODY OF STATE AUTHORITY OF THE CITY OF DUSHANBE IN COOPERATION WITH THE CYCLING FEDERATION OF TAJIKISTAN.
|
|
|
There are no translations available.
Ифтитоҳи бинои нави филиали бонки давлатии
амонатгузории Тоҷикистон “Амонатбонк” дар ноҳияи Рӯшон
20.08.2020 13:06, ноҳияи Рӯшон
20 августи соли 2020 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Рӯшон бинои нави филиали рақами 71-и Бонки давлатии амонатгузории Ҷумҳурии Тоҷикистон “Амонатбонк”-ро мавриди истифода қарор доданд.
Бинои нави филиали Амонатбонк дар ноҳияи Рӯшон аз таҳхона ва ду ошёна иборат буда, дар доираи вусъати корҳои ободонию бунёдкорӣ ба истиқболи сазовори ҷашни 30-солагии Истиқлолияти давлатии Ҷумҳурии Тоҷикистон бунёд гардидааст.
Зимни шиносоӣ аз шароити фароҳамшудаи кору хизматрасонӣ дар бонки мазкур Пешвои муаззами миллат муҳтарам Эмомалӣ Раҳмон ба масъулон ҷиҳати бунёди иншооти муосири соҳаи бонкӣ изҳори сипос намуданд ва дастур доданд, ки ба мизоҷон бо сатҳу сифати баланди касбӣ хизматрасониҳои бонкиро анҷом диҳанд.
Таъкид гардид, ки дар таҳхонаи иншооти замонавии бонкӣ толори бойгонӣ ва утоқи техникӣ ҷойгир буда, дар ошёнаи аввали он қисми амалиётӣ, махзан, хазина ва ҳуҷраҳои ёрирасон сохта шудааст. Дар ошёнаи дуюм бошад, утоқи кории мудир, кормандон ва китобхона ҷойгир мебошад.
|
|
There are no translations available.
Ифтитоҳи Муассисаи таҳсилоти миёнаи умумии рақами 9 дар шаҳраки Вамари ноҳияи Рӯшон
20.08.2020 13:04, ноҳияи Рӯшон
20 августи соли 2020 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳраки Вамари ноҳияи Рӯшон Муассисаи таҳсилоти миёнаи умумии рақами 9 ба номи Отамбек Илчибековро ифтитоҳ карданд.
Пешвои миллат муҳтарам Эмомалӣ Раҳмон дар саҳни иншооти навбунёд бо бардоштани парда аз рӯйи лавҳаи рамзӣ ба фаъолияти муассисаи таълимии замонавӣ оғози расмӣ бахшиданд.
Мавриди зикр аст, ки муассисаи нави таълимӣ бо дастури бевоситаи Президенти Ҷумҳурии Тоҷикистон муҳтарам Эмомалӣ Раҳмон бо мақсади фароҳам овардани шароити арзандаи таълим барои насли ояндасози миллат бо тарҳи муосир ва ҷавобгӯ ба меъёрҳои байналмилалӣ сохта шудааст.
Фармоишгари иншооти навбунёди соҳаи маориф Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон буда, барои анҷоми босифати корҳои сохтмонӣ мутахассисони маҳаллӣ ҷалб гардиданд.
|
|
|
|
|
|
|
Page 292 of 654 |
