tgpu

There are no translations available.

МАСОИЛИ МУБРАМИ ЗАБОНШИНОСӢ ВА ТАҲЛИЛИ МУҚОИСАВӢ-ТИПОЛОГӢ

Дар таърихи 15 феврали соли 2023 бо ибтикори раёсати донишгоҳ дар ҳамбастагӣ бо факултети забон ва адабиёти рус таҳти унвони “Масоили мубрами забоншиносӣ ва таҳлили муқоисавӣ-типологӣ” конференсияи байналмилалии илмӣ-амалӣ баргузор карда шуд. Дар ҷаласаи ифтитоҳии конференсия муовини ректор оид ба корҳои илмӣ, профессор Сангинзод Д.Ш., профессори Донишгоҳи славянии Росияву Тоҷикистон Гусейнова Т.В., профессори кафедраи адабиёти рус ва ҷаҳон Нозимов А.А., профессори Донишгоҳи давлатии Тирмиз Бакиров П.У. ва дотсенти Донишгоҳи давлатии Тирмиз Панҷиев Н.П. ширкат намуданд. Конференсияро декани факултет Исломова Ҷ. ҳусни ифтитоҳ бахшид. Сипас, профессор Сангинзод Д.Ш. сухани ифтитоҳии ректори донишгоҳ, профессор Аҳлиддин Ибодуллозодаро ба самъи ҳозирин расонд, ки дар он аз ҷумла омадааст: “Дар шароити ҳамкориҳои мустаҳками байналмилалӣ талабот мутахассисоне, ки забонҳои русиву англисиро хуб баладанд. Аз ин рӯ зарурат пеш омадааст, ки шаклу методҳои тадриси забонҳои русӣ ва англисӣ боз ҳам мукаммалтар карда шаванд.”

Муфассал

There are no translations available.

Саёҳати донишҷӯёни донишгоҳ

Санаи 22 ноябр соати 10.00 донишҷўён ва аъзоёни садорати факултет ба тамошои Боғи фарҳангӣ-фароғатии ба номи С. Айнӣ сафарбар шуданд. Дар назди ҳайкали устод Садриддин Айнӣ донишҷӯён ҳамчун рамзи эҳтиром ва нигоҳ доштани поси хотири устод гул гузошта барномаи фарҳангиро пешкаши ҳозирин гардониданд, аз ҷумла порчаҳоро аз асарҳои устод қироат карданд.

There are no translations available.

Ҳисоботи

садорати факултети забони англисӣ

Дар санаи 20-уми ноябри соли ҷорӣ дастаи духтаронаи волейболбозони факултет дар сабқат ниҳоии байни факултетҳои донишгоҳ иштирок намуда, ба дастаи волейболбозони факултети физика ѓолиб баромаданд ва сазовори ҷойи аввал гаштанд. Бояд ишора намуд, ки дар санаи 21-уми ноябр ин донишҷӯдухтарон аз ҷониби кумитаи Кор бо ҷавонон ва варзиши назди ҳукмати Ҷумҳурии Тоҷикистон бо туҳфа ва ифтихорномаҳо қадрдонӣ гардиданд.

Дар санаи 23-юми ноябр дар толори лексионии факултети технологияи ва иқтисодиёт дарси кушод дар мавзӯъи «Танзим, анъана ва расму оинҳои миллӣ» аз ҷониби дотсенти кафедраи «Фалсафа» Бердиев Ш. баргузор гардид, ки дар он зиёда аз 150 нафар донишҷӯёни курсҳои гуногуни факултет иштирок намуданд.

Мувофиқи нақшаи тасдиқгардидаи Раёсати Донишгоҳ дар сана 23-юми ноябр аз ҷониби декани факултети забон ва адабиёти рус Исломова Ҷ. аз омузгорони факултет диктант бо забони русӣ гирифта шуд.

Муфассалтар

Хабарҳо

There are no translations available.

ДАРСИ КУШОД ДАР ФАКУЛТЕТИ МАТЕМАТИКА ВА ИНФОРМАТИКА

Дар таърихи 14-уми феврали соли 2023, мувофиқи нақшаи кории кафедраи анализи математикии Донишгоҳи давлатии омӯзгории Тоҷикистон ба номи Садриддин Айнӣ таҳти роҳбарии профессор Юсупов Г.А. дарси кушоди муаллими калон Сафарзода Э.Ҳ. дар мавзўи «Ҳосилаи функсияи тағйирёбандааш комплексӣ» баргузор гардид. Дар дарси кушоди мазкур декани факултети математика ва информатика, дотсент Зеваршоев У.Н., мудири кафедраи геометрия ва математикаи олӣ, дотсент Талбаков Ф.М., омўзгорони кафедраи анализи математикӣ Лашкарбеков С.М., Надирова М.И. ва Сайфуллоева З.Х. иштирок намуданд.

Подробнее...

Хабарҳо

There are no translations available.

ИДОМАИ ТАҶРИБАОМӮЗИИ ОМӮЗГОРОН ДАР БЕЛАРУС

Чуноне ки қаблан иттилоъ дода будем, тибқи нақшаи Раёсати Донишгоҳи давлатии омӯзгории Тоҷикистон ба номи Садриддин Айнӣ дар асоси шартномаҳои байналмилалӣ дар даври дуюм устодони донишгоҳ, деканони факултетҳои физика ва технологияву соҳибкорӣ Назруллоев А.С. ва Ширинов М.С. ҷиҳати таҷрибаомузӣ дар Донишгоҳи давлатии педагогии Беларус ба номи М. Танка, дар ҳудуди ин кишвар қарор доранд. Тибқи нақшаи қаблан тарҳрезишуда онҳо таҷрибаи ҳамкасбони белорусиро омӯхта, дар ин баробар талаботи мансуб фаъолияти роҳбарони муассисаи таълимиро азхуд намуда истодаанд.