tgpu

ДАРСИ КУШОД БА МУНОСИБАТИ РӮЗИ ПАРЧАМ

Бо ибтикори муаллими калони кафедраи физикаи эксперименталии Донишгоҳи давлатии омӯзгории Тоҷикистон ба номи Садриддин Айнӣ Алишери З. дар таърихи 18-уми ноябри соли 2022 бахшида ба Рӯзи Парчами давлатии Ҷумҳурии Тоҷикистон дарси кушоди тарбиявӣ баргузор гардид. Дар дарси мазкур раиси Шурои кураторони Донишгоҳ Сатторов Н., декани факултет Назруллоев А., муовини декан оид ба корҳои тарбиявӣ Ниёзов С., мудири кафедраи физикаи эксперименталӣ Муҳаббатов Х. ва як зумра устодону донишҷӯён иштирок намуданд. Донишҷӯён доир ба Парчами давлатии Ҷумҳурии Тоҷикистон маърӯза карда, аз ҷумла зикр намуданд, ки парчам аз ҷумлаи рамзҳои асосии ҳар як давлат буда, нишонаи соҳибихтиёрӣ ва соҳибистиқлолии ҳамон давлату миллат маҳсуб мешавад. Воқеан, Парчам дар фаъолияти давлатдорӣ, аз он ҷумла, дар гузаронидани чорабиниҳои расмию ғайрирасмии сиёсию фарҳангӣ, варзишӣ, ҳамчунин дар муносибатҳои байналмилалӣ ва дар ҳаёти ҳаррӯзаи ҳар як фарди ҷомеа мавқеъ ва нақши хоси худро доро мебошад.

Муфассал

Хабарҳо

ҶАМЪБАСТИ ДАВРИ АВВАЛИ КУРС – ТРЕНИНГ

Дар доираи ҳамкориҳои судманди Маркази такмили ихтисос ва бозомӯзии кадрҳои Донишгоҳи давлатии омӯзгории Тоҷикистон ба номи Садриддин Айнӣ ва ташкилоти ҷамъиятии “Дурахши маърифат” дар доираи лоиҳаи “Забони англисӣ бидуни сарҳадҳо” барои омӯзгорони фанни забони англисӣ дар се давра курс-тренинг ба нақша гирифта шудааст, ки баргузории даври аввали он аз 14-ум то 16 – уми ноябри соли 2022 пешбинӣ гардида буд, ҷамъбаст гардид. Дар маросими ҷамъбасти даври якуми курс-тренинг муовини ректори донишгоҳ оид ба корҳои илмӣ, профессор Сангинзод Д.Ш., сардори Маркази такмили ихтисос ва бозомӯзии кадрҳо Азимов М., директори ташкилоти ҷамъиятии “Дурахши маърифат” Мирпочоева Н. ва менеҷери барнома Мирзовафоева Г. иштирок намуда, ба иштирокчиёне, ки талаботи нақшаи пешбинишударо пурра аз худ намудаанд, шаҳодатномаи хатми курс тақдим карданд.

Муфассал

Хабарҳо

ДАР РУҲИ МАРДИ САХӢ НУРУ САФОСТ!

Имрӯз,16-уми ноябри соли 2022 Аҳлиддин Ибодуллозода, ректори Донишгоҳ бахшида ба 30-солагии Иҷлосияи 16-уми Шурои Олии Ҷумҳурии Тоҷикистон ва Рӯзи Президент ба омӯзгорону донишҷӯёне, ки дар хобгоҳҳои Донишгоҳ иқомат менамоянд, хӯроки шом тақдим намуд.

Маврид ба зикр аст, ки раёсати Донишгоҳ ба таври доимӣ новобаста аз иду айём ба бошандагони хобгоҳҳои Донишгоҳ ҳамеша дасти ёрӣ дароз намуда, дархости онҳоро барои шароити созгори зист, таъмин менамояд.

Муфассал

Риояи тартибот ҳатмист

Шурӯъ аз 13-ум то 19-уми сентябр вохӯрии ташреҳии кормандони раёсати донишгоҳ бо донишҷӯёни соли 1-ум баргузор гардид. Мавзӯи меҳварии силсиламулоқотҳо шинос намудани толибилмон бо низомномаҳо, Дастурамали либосҳои тавсиявӣ ва қоидаҳои тартиботи дохилии муассисаро дар бар мегирифт.
Дар баромади худ муовини ректор оид ба корҳои тарбиявӣ Раъно Бобокалонова доир ба муайян намудани кураторони гурӯҳҳо,

Муфассалтар Add new comment

Хабарҳо

АРҶГУЗОРӢ БА САНАИ МУҲИМИ ТАЪРИХӢ

Дар таърихи 16-уми ноябри соли 2022 дар факултети филологияи тоҷики ДДОТ ба номи Садриддин Айнӣ бахшида ба Рӯзи Президент ва 30-солагии Иҷлосияи 16-уми Шурои Олии Ҷумҳурии Тоҷикистон чорабинӣ баргузор гардид. Дар чорабинӣ муовинони ректор оид ба корҳои таълимӣ, дотсент Айнулозода Наҳтулло, муовини ректор оид ба корҳои илмӣ, профессор Сангинзод Дониёр, сардори маркази бақайдгширӣ, машваратӣ ва ягонаи тестӣ, дотсент Назаров Давлатхон, садорат ва устодону донишҷӯёни факултет иштирок намуданд. Дотсент Айнулозода Наҳтулло, профессор Сангинзод Дониёр ва профессор Восиева Рухшона перомуни паҳлуҳои гуногуни Иҷлосияи 16-уми Шурои Олии Ҷумҳурии Тоҷикистон ва нақши ин санаи муҳими тақдирсоз барои миллати тоҷик, мақсад ва муҳтавои гиромидошти Рӯзи Президент сухан ронда, андешаҳои ҷолиб ироа намуданд.