ҲАМОИШИ ИЛМИЮ АДАБӢ БАХШИДА БА 90-СОЛАГИИ УБАЙД РАҶАБ

17 майи соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бахшида ба 90-солагии Шоири халқии Тоҷикистон Убайд Раҷаб таҳти унвони “Мақом ва ҷойгоҳи Убайд Раҷаб дар адабиёти тоҷики садаи XX” ҳамоиши илмию адабӣ баргузор гардид. Дар ҳамоиши мазкур адибон, олимон, пайвандони шоир ва устодону донишҷӯёни донишгоҳ иштирок карданд. Чорабиниро муовини ректори донишгоҳ оид ба корҳои илмӣ профессор Акобир Мирзораҳимов ифтитоҳ намуда, зимни суханронии хеш доир ба саҳми Убайд Раҷаб дар рушди адабиёти тоҷик, махсусан адабиёти бачагонаи нимаи дуюми садаи XX ибрози андеша намуд.

ОЗМУНИ “ИЛМИ МУОСИР” ҶАМЪБАСТ ГАРДИД

16 майи соли 2022 дар Академияи миллии илмҳои Ҷумҳурии Тоҷикистон озмуни ҷумҳуриявии “Беҳтарин мақолаи илмӣ-оммавӣ” ҷамъбаст гардид. Дар озмуни мазкур ҷавони фаъоли донишгоҳ Абдулхайр Абдураҳмонзода ширкат варзида, сазовори ҷойи аввал гашт. Мақолаи ӯ, ки дар мавзӯи “Лутфулло Солиев – асосгузори мактаби илмии омӯзиши системаҳои бисёркомпонента бо усули транслятсия” дар ҳаҷми 15 саҳифа навишта шуда, яке аз беҳтарин мақолаҳои илмӣ-оммавӣ ҳисобида шуд.