Кафедраи географияи иқтисодӣ ва иҷтимоӣ

Кафедраи географияи иқтисодӣ ва иҷтимоӣ соли 1936 ташкил шуда, саҳми олимону устодони рус ва тоҷик Танаевский В. Л. Промтов А.Н., Лолаев Н. Т., Боқиева, Лолаева Т., Пӯладов Д., Ҷӯраев Қ. Ш., Мамаҷонова М. Ю., Ҳайдарова Р. Н., Ғафоров Ш., Утаганов А., Насруллоев Ҳ., Бухариддинова А. И., Муҳаммадиев Ш., Ҷураев А., Диловаров Р. ва дигарон дар рушд ва тараққиёти кафедра назаррас мебошад.

Ҳадафи асосии кафедра саҳм гузоштан дар раванди рушди устувори илми география, географияи иқтисодӣ ва иҷтимоии кишвар ва тайёр намудани мутахассисони баландихтисоси соҳа мебошад.

Фаъолияти илмию таҳқиқотии кафедра ба ҳалли масоили арзёбӣ, таҳлил ва таҳияи омилҳои таъмини рушди устувори географияи иқтисодӣ ва иҷтимоии Тоҷикистон, ҷиҳати расидан ба ҳадафҳои рушди ҳазорсола, вазъи мусоиди сармоягузорию соҳибкории Тоҷикистон, рушди иқтисодию иҷтимоӣ равона карда шудааст.