НАМОИШГОҲИ САЙЁҲӢ ДАР

ДДОТ БА НОМИ САДРИДДИН АЙНӢ

Субҳи 10-уми феврали соли 2021 дар толори Шӯрои олимони ДДОТ ба номи Садриддин Айнӣ форум ва намоишгоҳи ноҳиявии сайёҳӣ дар мавзӯи “Имкониятҳои сайёҳии ноҳия” миёни донишҷӯёни донишгоҳҳои ҳудуди ноҳияи Исмоили Сомонии шаҳри Душанбе бо иштироки намояндагони Мақомоти иҷроияи ҳокимияти давлатии ноҳияи Исмоили Сомонӣ, Вазорати фарҳанги Ҷумҳурии Тоҷикистон, Кумитаи рушди маҳали назди Ҳукумати Ҷумҳурии Тоҷикистон, Кумитаи рушди сайёҳии назди Ҳукумати Ҷумҳурии Тоҷикистон баргузор гардид. Маврид ба зикр аст, ки форум ва намоишгоҳи мазкур ба ифтихори 30 – солагии Истиқлолияти давлатии Ҷумҳурии Тоҷикистон  дар доираи барномаи  “Стратегияи рушди сайёҳӣ дар Ҷумҳурии Тоҷикистон барои давраи то соли 2030” ва дар доираи эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” баргузор шудааст. Дар идома, меҳмонон дар саҳни донишгоҳ, ки аз ҷониби  садорати факултетҳо дастовардҳои донишҷӯён ва ҳунарҳои мардумиро ба намоиш гузошта шуда буд,  боздид  намуданд. Дар форуми мазкур омӯзгорон ва донишҷӯёни ихтисосҳои сайёҳии донишгоҳ фаъолона иштирок ва суханронӣ намуданд.

Суратгузориш аз рафти баргузории намоишгоҳи сайёҳӣ дар донишгоҳ: