“СИПАРИ ВАТАН”

Санаи 19-уми феврали соли равон бо ташаббуси садорати факултети физакаи ДДОТ ба номи Садриддин Айнӣ чорабинӣ бахшида ба 28-умин солгарди Рӯзи таъсисёбии Қувваҳои мусаллаҳи Ҷумҳурии Тоҷикистон таҳти унвони “Сипари Ватан” бо иштироки устодону донишҷӯён баргузор гардид. Чорабинӣ бо садо додани Суруди миллӣ оғоз шуда,  нахуст, декани факултет н.и.п., дотсент Умаров Умар зимни суханронии худ доир ба пайдоиш ва нерӯи Артиши миллӣ ва дар ин роҳ саҳми зиёду арзанда доштани сарфармондеҳи  Қувваҳои мусаллаҳи кишвар, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмонро бесобиқа арзёбӣ намуд. Сипас, иштирокчии ҷанг дар Афғонистон, капитани милитсия, омӯзгори кафедраи психологияи умумидонишгоҳӣ Нозимов Т. доир ба пурзӯр шудани Артиши миллӣ андеша ронд. Дар идомаи чорабинӣ аз ҷониби як гурӯҳ донишҷӯёни фаъол ба хотири болидарӯҳии ҳозирин барномаи фарҳангӣ иборат аз шеъру суруд, рақсу саҳначаи хусусияти тарбиявидошта, пешкаш карда шуд.