МОДАР ФАРИШТАИ РӮИ ЗАМИН

Зери ҳамин унвон, санаи 5-уми март дар факултети таҳсилоти томактабӣ ва ибтидоии ДДОТ ба номи Садриддин Айнӣ дарси кушоди тарбиявӣ бахшида ба Рӯзи модарон бо иштироки ҳайати омӯзгорону донишҷӯён баргузор гардид. Маврид ба зикр аст, ки чорабиниро донишҷӯёни курси аввали факултет бо роҳбарии куратори гурӯҳ, асиссенти кафедраи забон ва адабиёти тоҷик Аюбзода Миҷгона пешкаши ҳозирин намуданд. Чорабинӣ аз лавҳаву қироати шеър, аллаи модару саҳначаи тарбиявӣ ва рақси миллӣ иборат буд,  ки аз ҷониби донишҷӯёни соли аввал бо як маҳорати баланди хоса иҷро гардид. Мазмун ва муҳтавои ин барнома хусусияти  арҷгузорӣ ба меҳру садоқати модарон ва эҳтироми фарзандиву шарафи инсонӣ дошта, донишҷӯёнро ба гиромидошти муҳаббати Зан-Модар талқин мекард.

Суратгузориш аз рафти баргузории чорабинӣ: