МОДАРИ МУШТИ ПАРАМ, БОЛУ ПАРАМ ҲАДЯИ ТУСТ!

Санаи 6-уми март бо ташаббуси садорати факултети физикаи ДДОТ ба номи Садриддин Айнӣ бахшида ба таҷлили Рӯзи модарон таҳти унвони “Дасти дуои модар” чорабинии фарҳангӣ доир гардид. Нахуст, декани факултет н.и.п., дотсент Умаров У. ҳамаи иштирокчиён, ки аксарияти онро донишҷӯдухтарону бонувон ташкил менамуданд, табрику муборакбод намуда, ба барномаи мазкур ҳусни оғоз бахшид. Сипас, барномаи фарҳангии омоданамудаи донишҷӯёни факултет, ки аз қироати шеър, суруд, рақс, саҳнаҳои тарбиявӣ ва саволу ҷавоб иборат буд, бо як маҳорати баланди хоса  пешкаши тамошобинон гардид ва дар фарҷом аз ҷониби садорати факултет ба иштирокдорони фаъоли чорабинӣ тӯҳфаҳои хотиравӣ тақдим карда шуд.