НАҚШИ ИЛМҲОИ ТАБИАТШИНОСӢ, ДАҚИҚ ВА РИЁЗӢ ДАР ОМОДАСОЗИИ КАДРҲОИ МУОСИРИ ИЛМӢ, ОМӮЗГОРӢ ВА МУҲАНДИСӢ Бо ташаббуси кафедраи физикаи эксперименталии факултети физикаи ДДОТ номи Садриддин Айнӣ имрӯз, 4-уми июни соли 2021 дар толори Шӯрои олимони ҳамин муассиса бахшида ба 30-солагии Истиқлолияти давлатии Ҷумҳурии Тоҷикистон, 90-солагии донишгоҳ ва бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф барои солҳои 2020-2040, конференсияи илмӣ-амалии ҷумҳуриявӣ дар мавзӯи “Нақши илмҳои табиатшиносӣ, дақиқ ва риёзӣ дар омодасозии кадрҳои муосири илмӣ, омӯзгорӣ ва муҳандисӣ” бо иштироки меҳмонону омӯзгорони ҳамин соҳа баргузор гардид. Конференсияро нахуст ректори донишгоҳ д.и.т., профессор Ғаффорӣ Нӯъмонҷон Усмонзода ифтитоҳ намуда, ҳамаи меҳмонону ҳозиринро барои иштирок дар ин чорабинӣ, хушомадед намуд. Дар идома аз ҷониби д.и.т., профессор Маҷидов Ҳ. дар мавзӯи “Омӯзиш ва рушди фанҳои табиатшиносӣ, дақиқу риёзӣ – тақозои замон”, д.и.х., профессор Бандаев С.Г. дар мавзӯи “Вазъи тадриси илми химия дар муассисаи таълимӣ” ва мудири кафедраи методикаи таълими физика, н.и.п., дотсент Раҷабов У.Х. маърӯзаҳо пешниҳод гардид. Маврид ба зикр аст, ки конференсия дар бахшҳои зерин: -физика, методикаи таълими физика, математика ва методикаи таълими он, технологияи информатсионӣ, химия, биология ва география дар синфхонаҳои №5, 12,18, 19, идома ёфт. Суратгузориш аз рафти конференсия:
|