ТАҶРИБА ВА САҲМИ ЛОИҲАИ "РУШДИ ТАҲСИЛОТИ ОЛӢ" ДАР ТОҶИКИСТОН

28 апрели соли 2022 дар Донишгоҳи давлатии тиббии Тоҷикистон ба номи Абӯалӣ ини Сино бо иштироки муовини вазири маориф ва илм Лутфия Абдулхолиқзода, намояндагони лоиҳаи “Рушди таҳсилоти олӣ”, вазорату идораҳои дахлдор, муассисаҳои таҳсилоти олии касбӣ ва Бонки ҷаҳонӣ дар мавзӯи “Таҷриба ва саҳми Лоиҳаи “Рушди таҳсилоти олӣ” дар Тоҷикистон” конфронс баргузор гардид, ки дар он намояндагони Донишгоҳи давлатии омӯзгории Тоҷикистон ба номи Садриддин Айнӣ низ ширкат варзиданд.

Гурӯҳи идоракунии грантӣ ду лоиҳаро дар рафти намоиши дастовардҳои муассисаҳо муаррифӣ намуда, ҳамзамон аз ҷониби намояндаи донишгоҳ Карабаев Бахтовар маърӯза дар мавзӯи «Рушди барномаҳои таълимии таҳсилоти олии касбӣ» ироа карда шуд. Дар фарҷоми конфронс донишгоҳ бо Шаҳоднома барои татбиқи бомуваффақияти лоиҳаҳои грантӣ сарфароз гардид.