БАРРАСИИ МАСЪАЛАИ КУРСИ ТАКМИЛИ ИХТИСОСИ ОМӮЗГОРОН ДАР ХОРИҶА

Имрӯз ҷаласаи ҳайати кормандони бахши равобити байналмилалӣ баргузор гардид. Ҷаласаро муовини ректор оид ба робитаҳои байналмилалӣ Фаррух Худойдодзода оғоз намуда, масъулинро барои риояи интизоми меҳнат ва фаъолияти босамари корӣ баҳри таҳкими равобити байналмилалии донишгоҳ уҳдадор намуд. Ҳамзамон масъулини равобити байналмилалӣ вазифадор гардиданд, ки раванди бақайдгирӣ ва иштироки шаҳрвандони хориҷиро дар давраи триместр ҳамарӯза ҷиддӣ назорат намуда оид ба масъалаи ташкил намудани курси такмили ихтисоси омӯзгорони донишгоҳ дар хориҷи кишвар ва ҷалби грантҳо чораҳои таъхирнопазир андешанд.