МУЛОҚОТ БО ОМӮЗГОРОНИ СОҲИБЗАБОН

12-уми январи соли равон муовини ректор оид ба робитаҳои байналмилалии Донишгоҳи давлатии омӯзгории Тоҷикистон ба номи Садриддин Айнӣ Қурбонзода Рухшона бо омӯзгорони соҳибзабон, шаҳрвандони кишварҳои хориҷӣ, ки ба донишҷӯёни донишгоҳ дарс мегӯянд ва тариқи шартномаи дутарафа дар муассисаи мазкур фаъолият менамоянд, вохӯрӣ баргузор намуд. Дар ҷараёни вохӯрӣ масъалаҳои марбут ба раванди таълим, мушкилоти ҷойдошта дар ин самт ва будубоши онҳо дар Ҷумҳурии Тоҷикистон ва ҳамзамон нақшаи фаъолияти онҳо баррасӣ гардид.

Зимни вохӯрӣ пешниҳод карда шуд, ки омӯзгорони соҳибзабон барои баланд бардоштани сатҳи забондонии донишҷӯёни факултетҳои марбутаи донишгоҳ кӯшиш ба харҷ диҳанд ва барои тайёр намудани донишҷӯён ба озмунҳои дохилидонишгоҳӣ, ҷумҳуриявӣ ва байналмилалӣ саҳмгузор бошанд.