• Тоҷикӣ
  • Русӣ
  • Англисӣ
Факултетҳо

 

 

Fizika.png - 41.65 Kb

 

Умаров Умар Сулаймонович

декани факултети физика,

номзади илмҳои педагогӣ, дотсент

Телефон: 93-594-93-28.

Email: Этот e-mail адрес защищен от спам-ботов, для его просмотра у Вас должен быть включен Javascript








УМАРОВ УМАР СУЛАЙМОНОВИЧ - 4 августи соли 1966 дар деҳаи Шаватки Болои ноҳияи Айнӣ таваллуд шудааст. Соли 1983 мактаби миёнаи рақами 16-и ноҳияи Айниро бомуваффақият хатм кардааст. Худи ҳамон сол ба шӯъбаи физика ва математикаи факултети физикаи Донишкадаи давлатии омӯзгории шаҳри Душанбе ба номи Т.Г. Шевченко (феълан Донишгоҳи давлатии омӯзгории Тоҷикистон ба номи Садриддин Айнӣ) дохил шуда, соли 1990 онро хатм кардааст. Солҳои 1984-1986 дар сафи Қувваҳои мусаллаҳи собиқ Шӯравӣ хизмат кардааст.

Дар давраи донишҷӯиаш аз соли 1988 то соли 1990 ба ҳайси лаборанти кафедраи методикаи таълими физика (0,5 воҳиди корӣ) кор кардааст. Солҳои 1987-1990 котиби ташкилоти комсомолии факултет буд. Соли 1990 пас аз хатми Донишгоҳ ӯ ҳамчун мутахассиси ҷавон бо ҳайси лаборанти калони кафедраи методикаи таълими физика ба кор мононда шуд. Аз соли 1990 то соли 1991 ӯ ба ҳайси лаборанти калон, аз соли 1991 то соли 1998 ба сифати ассистент ва аз соли 1998 то 2011 дар вазифаи муаллими калон ва аз соли 2011 то 2020 дар вазифаи дотсент ва мудири кафедраи методикаи таълими физика кору фаъолият кард. Аз моҳи августи соли 2020 дар вазифаи декани факултети физика кору фаъолият дорад. Эшон аз соли 2004 узви Шӯрои миллии таҳсилот оид ба барнома ва китобҳои дарсии физика ва нуҷуми Вазорати маорифи Ҷумҳурии Тоҷикистон мебошад. Соли 1994 ба шӯъбаи рӯзонаи аспирантураи ДДОД дохил шуда, соли 1997 онро хатм кардааст. Таҳти роҳбарии доктори илмҳои педагогӣ, профессор, узви вобастаи Академияи таҳсилоти Тоҷикистон Нӯъмонов Мансур корҳои илмӣ-таҳқиқотӣ бурда, соли 2010 дар мавзӯи «Методикаи истифодаи маводи маҳал дар таълими физикаи мактабҳои таҳсилоти миёнаи умумӣ» рисолаи номзадӣ дифоъ намудааст.

Умаров У.С. муаллифи зиёда аз 450 номгӯй корҳои илмӣ-методӣ мебошад, ки беш аз 80-тои онҳоро васоити методию таълимӣ ва китобҳои дарсӣ ташкил медиҳанд. Бо ташаббус ва ибтикори ӯ аввалин маротиба дар ҷумҳурӣ ҷадвалҳои (плакатҳои) таълимӣ аз физика (130 номгӯ) бо забони тоҷикӣ мураттаб гардида, нашр ва дастраси омӯзгорони физикаи мактабҳои ҷумҳурӣ гардонида шуд. Муаллифи китоби дарсии «Физика–8» ва Стандарти фанни «Физика» барои синфи VIII, инчунин муаллифи раҳнамоҳои «Физика–X» ва «Физика–XI», Стандарти фанни «Физика» барои синфи XI мебошад. Мақолаҳои илмӣ-методиаш дар маҷаллаҳои «Маърифати омӯзгор», «Паёми Донишгоҳи омӯзгории Тоҷикистон», «Паёми Донишгоҳи миллии Тоҷикистон», «Ахбори Академияи илмҳои Ҷумҳурии Тоҷикистон», «Илм ва инноватсия», «Паёми Донишгоҳи давлатии Бохтар ба номи Носири Хусрав», «Номаи Донишгоҳи давлатии Хуҷанд ба номи академик Бобоҷон Ғафуров», ҳафтаномаи «Омӯзгор», маҷмӯаҳои илмии ПРМ-и АТТ ва маҷмӯаҳои дигар нашр шудаанд.

Бо Ифтихорномаи Кумитаи комсомолии донишкадаю ноҳияи Октябри (ҳоло Исмоили Сомонии) шаҳри Душанбе, Раҳматномаю Ифтихорномаи раёсати ДДОТ ба номи С. Айнӣ, Ифтихорномаҳои гимназияи №53, шӯъбаи маорифи ноҳияи Исмоили Сомонию раёсати маорифи шаҳри Душанбе, Ифтихорномаи Вазорати маориф ва илми Ҷумҳурии Тоҷикистон сарфароз гардидааст.

Аз соли 2006 «Аълочии маорифи Ҷумҳурии Тоҷикистон» мебошад.
 
free pokerfree poker

 

surat 91.png - 36.52 Kb


  • Номи пурра: Донишгоҳи давлатии омӯзгории Тоҷикистон  ба номи Садриддин Айнӣ
  • Суроға:, 734003, шаҳри Душанбе, хиёбони Рӯдакӣ 121
  • Телефон: +992(37) 224-13-83
  • WWW: tgpu.tj, E-mail: info@tgpu.tj