Шодии Давлаталӣ

Мудири кафедра

Телефон (+992) 907889936

Email: Shodi.10.01@mail.ru

Шодии Давлатали 10 январи соли 1991 дар ҷамоати деҳоти Даштиҷуми ноҳияи Шурообод (ҳозира Ш. Шоҳин) таваллуд шудааст. Соли 2009 мактаби миёнаи рақами 18 - и ноҳияи Шамсиддини Шоҳинро бо муваффақият хатм кардааст. Худи ҳамон сол ба шуъбаи рӯзонаи ихтисоси баҳисобгирии бухгалтерӣ, таҳлил ва аудити факултети иқтисодиёт ва идоракунии маорифи Донишгоҳи давлатии омӯзгории Тоҷикистон ба номи Садриддин Айнӣ дохил шуда, соли 2013 онро хатм кардааст. Пас аз хатми зинаи бакалаврият соли 2013 ба шуъбаи магистратура бо ихтисоси менеҷмент дар таҳсилот дохил шуда, соли 2015 онро бо баҳои аъло хатм намудааст.

Дар давраи таҳсил дар зинаи  магистратура аз соли 2013 то соли 2014 ба ҳайси ассистенти кафедраи «Баҳисобгирии бухгалтерӣ, таҳлил ва аудит» (0,5 воҳиди корӣ) кор кардааст. Соли 2014  фаъолияти хуби ӯро ба назар гирифта, ба ӯ вазифаи муовини декан оид ба корҳои тарбиявии факултети иқтисодиёт ва идоракунии маорифро вогузор намуданд, дар ин вазифа то соли 2017 фаъолият намудааст. Соли 2017 дар вазифаи муовини декан оид ба корҳои таълимӣ кор кардааст ва дар ин сол дар асоси озмун ба вазифаи муаллими калони кафедраи баҳисобгирии бухгалтерӣ, таҳлил ва аудити факултети иқтисодиёт ва идоракунии маориф  гузашта, фаъолияти кори худро идома додааст. Аз  моҳи ноябри соли 2017 то имрӯз ба ҳайси муаллими калони кафедра кору фаъолият дорад. Соли 2015 ба шуъбаи аспирантураи ДДОТ ба номи С. Айнӣ  дохил шуда, соли 2018 онро хатм кардааст. Таҳти роҳбарии доктори илмҳои иқтисодӣ, профессор, академики Академияи байналмилалии мактабҳои олӣ Зариф Шарифов корҳои илмӣ-таҳқиқотӣ бурда, соли 2019 дар мавзӯи «Баланд бардоштани самаранокии иқтисодии истифодабарии замин дар Ҷумҳурии Тоҷикистон (дар асоси маълумотҳои минтақаҳои хушкзамини вилояти Хатлон)» рисолаи номзадӣ дифоъ намудааст.

Шодии Давлатали  муаллифи зиёда аз 20 номгӯй корҳои илмӣ ва методӣ мебошад, ки беш аз 6-тои онҳоро васоити методию таълимӣ ташкил медиҳанд. Мақолаҳои илмӣ-методиаш дар маҷаллаҳои «Паёми Донишгоҳи давлатии омӯзгории Тоҷикистон», «Паёми Донишгоҳи миллии Тоҷикистон», «Ахбори Академияи илмҳои Ҷумҳурии Тоҷикистон», «Илм ва инноватсия», ҳафтаномаи «Омӯзгори ҷавон» ва маҷмӯаҳои дигар нашр шудаанд.

Аз моҳи сентябри соли 2017 дар вазифаи мудири кафедраи баҳисобгирии бухгалтерӣ, таҳлил ва аудити  факултети иқтисодиёт ва идоракунии маорифи Донишгоҳи давлатии омӯзгории Тоҷикистон ба номи Садриддин Айнӣ кору фаъолият дорад.