Афганистан: Синдром дефицита ума и кредита доверия "правителей" Кабула

ДАР ДОНИШГОҲ ШӮРОИ НАВИ ДИССЕРТАТСИОНӢ ТАЪСИС ЁФТ

14 майи соли 2022 дар толори Шӯрои олимони донишгоҳ бо иштироки профессорон, устодон ва дигар меҳмонон ҷаласаи муаррифии Шӯрои диссертатсионӣ оид ба дарёфти дараҷаи илмии доктори фалсафа (PhD) –доктор аз рӯйи ихтисосҳои 6D011900 - Забони хориҷӣ: ду забони хориҷӣ (забонҳои русӣ ва англисӣ) ва 6D011900 - Таълими касбӣ ва оид ба дарёфти дараҷаи илмии номзади илм аз рўи ихтисосҳои 13.00.02 - Назария ва методикаи таълиму тарбия ва 13.00.08 - Назария ва методикаи таҳсилоти касбӣ, ки таъсиси он бо фармоиши раиси КОА назди Президенти Ҷумҳурии Тоҷикистон А. Розиқзода аз 8 апрели соли 2022 ба тасвиб расид, баргузор гардид.

INTERNATIONAL COLLECTIVE RESEARCH

In accordance with the decision of the Public Soviet of the Moscow state pedagogical university (MSPU) - base organization of the Commonwealth of Independent States (CIS) for the teacher training, dated February 25^th , 2022, a collective research is being conducted this year on the topic “Development of agreed criteria and technologies for monitoring the quality of teacher education in pedagogical universities of the CIS member states” .

13 pedagogical universities of the CIS member states are taking part in this research and Tajik State Pedagogical University named after S. Aini also takes an active part. TSPU is planning to fill out a form for administrative personal (more than 15) and students (more than 450) until May 31^st, 2022. The form is anonymous.

Electronic forms are available via these links:

Questionnaire for administrative personal

Questionnaire for students

Be active!

АЁДАТИ ОМӮЗГОРИ СОБИҚАДОР

12 майи соли 2022 раиси Шӯрои собиқадорони ҷангу меҳнати донишгоҳ Раҷабмоҳ Қосимова, раиси Кумитаи иттифоқи касабаи донишҷӯёни донишгоҳ Дилшод Раҷабов, мудири шуъбаи кор бо ҷавонони донишгоҳ Маъдӣ Абдураҳмонов ва намояндагони дафтари матбуоти донишгоҳ барои аёдат ба хонаи омӯзгори собиқадори донишгоҳ муаллими калони кафедраи методикаи таълими забони тоҷикии факултети филологияи тоҷик Ҳотам Саидов рафтанд. Омӯзгори собиқадор Ҳотам Саидов аз таҷрибаи омӯзгории 62-солаи хеш ёдовар шуда, қайд намуд, ки касби омӯзгорӣ беҳтарин касб мебошад. Зеро ман 62 соли ҳаёти хешро сарфи ин касби пуршараф кардааму аз ин касби интихобкардаи хеш ҳеҷ гоҳе пушаймон нестам. Имрӯз ман бо шогирдони тарбияткардаи худ ифтихор мекунам.

МИЗИ МУДАВВАР ТАҲТИ УНВОНИ “ОИЛАИ СОЛИМ-ҶОМЕАИ СОЛИМ”

13 майи соли 2022 бо ибтикори бахши кор бо занони Донишгоҳи давлатии омӯзгории Тоҷикистон ба номи Садриддин Айнӣ дар ҳамбастагӣ бо Кумитаи иҷроияи Ҳизби халқӣ-демократии Тоҷикистон дар ноҳияи Исмоили Сомонӣ дар толори шурои олимони донишгоҳ мизи мудаввар дар мавзӯи “Оилаи солим-ҷомеаи солим” баргузор гардид. Дар мизи мудаввар мудири шуъбаи занони КИ ҲХДТ дар н. И. Сомонӣ Лайло Шарипова, устоди Донишгоҳи давлатии тиббии Тоҷикистон ба номи Абӯалӣ ибни Сино Сабоҳат Амонова, мутахассиси КИ ҲХДТ дар н. И. Сомонӣ Моҳпарӣ Мародбекова, мудири бахши кор бо занони донишгоҳ Басгул Туманова, раиси Иттифоқи касабаи донишҷӯёни донишгоҳ Дилшод Раҷабов ва сармутахассиси қисми тартияи донишгоҳ Ҳусейн Ҳасанов иштирок ва суханронӣ карданд.

РАФТИ ИМТИҲОНОТИ ДАВЛАТӢ ДАР ДДОТ БА НОМИ С. АЙНӢ

Шурӯъ аз 10 майи соли 2022 дар гурўҳҳои шакли таҳсилоти фосилавии факултетҳои донишгоҳ имтиҳоноти давлатии хатм барои соли таҳсили 2021-2022 оғоз гардид. Зимни боздид аз рафти қабули имтиҳоноти давлатии хатм ректори донишгоҳ профессор Нуъмонҷон Ғаффорӣ, муовини ректор оид ба таълим, дотсент Абдусалом Мирзозода, муовини ректор оид ба корҳои тарбиявӣ, дотсент Ҷамила Мӯсоҷонзода ва сардори раёсати таълим, дотсент Наҳтулло Айнуллозода бо устодону хатмкунандагон суҳбати самимӣ анҷом дода, таъкид карданд, ки раванди имтиҳонот  бояд шаффофу озод ва дар синфхонаҳои назорати видеоидошта гузаронида шаванд. Ҳамзамон роҳбарияти донишгоҳ ба хатмкунандагон дар супоридани имтиҳонҳо муваффақиятҳо хостанд.

ҒОЛИБИЯТИ ДОНИШҶӮЁН ДАР ОЛИМПИАДАИ БАЙНАЛМИЛАЛӢ

4 майи соли 2022 се нафар донишҷӯ ва як нафар магистри факултети химияи Донишгоҳи давлатии омӯзгории Тоҷикистон ба номи Садриддин Айнӣ таҳти роҳбарии устоди факултет Маъруф Ҷумаев дар олимпиадаи байналмилалии интернетӣ аз фанни химия, ки аз тарафи Донишгоҳи байналмилалии нафту гази Ҷумҳурии Туркманистон ба номи Яхшигелди Какаев ташкил шудааст, иштирок намуданд. Олимпиадаи мазкур дар шакли фардӣ аз рӯи ду категория гузаронида мешавад. Категорияи якум барои донишҷӯёне мебошад, ки фанни химияро меомӯзанд, ва категорияи дуюм барои онҳое аст, ки фанни химияро намеомӯзанд.  Аз рӯи категорияи якум ширкат варзида, дар натиҷа се нафарашон сазовори ҷойҳои ифтихорӣ гардиданд.