БОЗДИДИ АЪЗОИ РАЁСАТИ ДОНИШГОҲ АЗ РАФТИ

БАРГУЗОРИИ ИМТИҲОНОТИ СЕССИЯИ ТОБИСТОНА

Имрӯз, 26-уми апрели соли 2021 дар ДДОТ ба номи Садриддин Айнӣ тибқи ҷадвали баргузории сессияи имтиҳонии тобистонаи хатмкунандагони шакли таҳсили рӯзонаи соли таҳсили 2020-2021, ки аз ҷониби раёсати донишгоҳ тасдиқ гардида буд, раванди имтиҳонсупорӣ оғоз ёфт. Бо мақсади шаффофу бегазанд супоридани имтиҳоноти хатмкунандагони шакли таҳсили рӯзона, раёсати донишгоҳ, аз ҷумла, қисми таълим дар 3 нуқтаи марказҳои қабули имтиҳонӣ: МҚИ 1, МҚИ 2 ва МҚИ 3 омодагии техникиро бодарназардошти риояи вазъи беҳдоштӣ ба роҳ мондааст.

ОҒОЗИ АТТЕСТАТСИЯИ ХАТМ АЗ РӮИ

ИХТИСОСҲОИ ҒАЙРИОМӮЗГОРӢ ДАР ДОНИШГОҲ

Субҳи 26-уми апрели соли 2021 дар факултетҳои психология ва таҳсилоти фарогир, биология, география, забони англисӣ, иқтисодиёт ва идоракунии маориф, таърих ва забонҳои романӣ-германии ДДОТ ба номи Садриддин Айнӣ аз рӯи ихтисосҳои ғайриомӯзгорӣ аттестатсияи хатмкунандагони курсҳои чорум ва панҷуми шакли таҳсили рӯзона дар соли таҳсили 2020-2021 оғоз гардид. Маврид ба ёдоварист, ки ректори донишгоҳ профессор Ғаффорӣ Нӯъмонҷон Усмонзода бо муовини якум, муовини ректор оид ба таълим н.и.ф.,дотсент Қосимов Саъдӣ Абдулқодирович ва сардори раёсати таълим н.и.т., дотсент Айнуллозода Наҳтулло аз раванди баргузории имтиҳони хатми  донишҷӯён боздид намуда, ба ҳамаи хатмкунандагон муваффақиятҳо хостанд.

ТОЗАГИВУ ОЗОДАГӢ МАРОМИ МОСТ!

Субҳи имрӯз бо ташаббуси раёсати Донишгоҳи давлатии омӯзгории Тоҷикистон ба номи Садриддин Айнӣ бо ҷалби васеи кормандону омӯзгорон ва донишҷӯёни донишгоҳ шанбегии умумидонишгоҳӣ баргузор гардид. Дар шанбегии мазкур дохил ва беруни донишгоҳ тозаву озода гардонида шуд. Ҳамчунин дар ин рӯзҳои офтобӣ аз ҷониби кормандони қисми хоҷагидорӣ дар саҳни донишгоҳ маъракаи гулшинонӣ баргузор гардид. Гулҳои шинондашуда ба донишгоҳ ҳусну таровати дигарро зам намуда, зебогии донишгоҳро дучанд мекунад.

ҶАМЪБАСТИ ДАВРИ НОҲИЯВИИ

ФЕСТИВАЛҲОИ “САД РАНГИ ЧАКАН” -У “ҶИЛВАИ РАНГҲО”

Субҳи имрӯз дар Боғи Ирам даври ноҳиявии фестивал-озмунҳои ҷумҳуриявии “Сад ранги чакан” ва “Ҷилваи рангҳо” баргузор гардид. Дар ин фестивал-озмун раиси ноҳияи Исмоили Сомонӣ муҳтарам Самӣ Шариф Ҳамид, намояндагони шуъбаҳои маориф, фарҳанг, рушди иҷтимоӣ ва робита бо ҷомеа, занон, ҷавонон ва варзиши ноҳия, намояндагони муассисаҳои миёна ва олии касбии ҳудуди ноҳияи Исмоили Сомонӣ ва хонандагону донишҷӯён ширкат варзиданд. Қобили зикр аст, ки дар ин фестивал-озмун омӯзгорону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ фаъолона ширкат варзиданд.

САФАРИ САЙЁҲИИ УСТОДОНУ

КОРМАНДОНИ ДОНИШГОҲ БА  ВИЛОЯТИ ХАТЛОН

Ҷиҳати иҷрои дастуру ҳидоятҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар доираи эълон гардидани солҳои 2019-2021 "Солҳои рушди деҳот, сайёҳӣ ва ҳунарҳои мардумӣ" як қатор устодону кормандони Донишгоҳи давлатии омӯзгории Тоҷикистон ба номи Садриддин Айнӣ таҳти роҳбарии раиси Кумитаи иттифоқи касабаи устодону кормандони донишгоҳ Бӯриев М. аз ҳисоби Кумитаи иттифоқи касабаи устодону кормандони донишгоҳ ба шаҳру ноҳияҳои вилояти Хатлон сафарбар карда шуданд.

“ҶИЛО” ҲАМ, ЯК ҶИЛОЕ КАРД

Нимаи дуюми санаи 23-юми апрели соли 2021 дар толори бинои асосии  Донишгоҳи давлатии омӯзгории Тоҷикистон ба номи Садриддин Айнӣ бахшида ба 30-солагии Истиқлолияти давлатии Тоҷикистон ва 90 – солагии донишгоҳ бо иштироки  меҳмонон, ҳакамон ва устодону кормандони донишгоҳ барномаозмуни “Ҷилои ахтарон” байни донишҷӯёни факултетҳои филологияи тоҷик ва забони англисӣ баргузор гардид. Барномаи озмуни мазкур аз 6 бахш иборат буда, дар он саломнома, намоиши ҳунарҳои мардумӣ, бадеҳахонӣ, саволу ҷавоб, бахши латифахонию саҳначаи ҳаҷвиро дар бар мегирифт. Боиси зикр аст, ки ин чорабинии фарҳангӣ аз ҷониби ҳар ду даста ҳам, дастаи факултети филологияи тоҷик бо номи “Ҷило” ва дастаи факултети забони англисӣ бошад, зери унвони “Антивирус” ҳунарнамоӣ карданд, ки хеле ҷаззобу хотирмон буд. Аъзои ҳакамон ба ҳунару маҳорати ҳарду даста одилона баҳогузорӣ намуданд.

ЧОРАБИНИИ ИЛМӢ АЗ ҶОНИБИ РАВОНШИНОСОНИ

КАФЕДРАИ ПСИХОЛОГИЯИ УМУМИДОНИШГОҲӢ

22-юми апрели соли 2021 бо ташаббуси иҷрокунандаи вазифаи мудири кафедраи психологияи умумидонишгоҳии ДДОТ ба номи Садриддин Айнӣ номзади илмҳои психологӣ  Акрамова Моҳрухсор конференсияи илмии омӯзгорони кафедра ва гурӯҳи донишҷӯёни фаъоли факултетҳои донишгоҳ бахшида ба 30 – солагии Истиқлолияти Ҷумҳурии Тоҷикистон ва 90 – солагии донишгоҳ баргузор гардид.  Марид ба ёдоварист, ки дар конференсия маърӯзаҳои зерин аз ҷониби омӯзгорони кафедраи мазкур  н.и.п., Назарова Зебунисо дар мавзӯи “Истиқлолият – бақои давлату миллати тоҷик”, н.и.п., Саидов Т., дар мавзӯи “Нақши асари Пешвои миллат “Мавлоно ва тамаддуни инсонӣ” дар тарбияи иродаи эътиқодии ҷавонон”, н.и.п., Саидова Б.Т., дар мавзӯи “Ақидаҳои педагогӣ-психологии адибон дар ташаккули сифатҳои иродавии ҷавонон”, муаллимони калон Маматова А.Б., дар мавзӯи “Психологическое помошь при работе с жертвами насилия”,  Қурбонов Н.Х., дар мавзӯи “Ҷабҳаҳои психологию педагогии компютеризатсия” ва гурӯҳи донишҷӯён бо чунин маърӯзаҳои пурмуҳтаво баромад намуда,