ҲАМОИШИ ИЛМӢ ДОИР БА МАСОИЛИ

ЗАБОНШИНОСИИ МУОСИР

Санаи 16-уми феврали соли 2021 бо ташаббуси садорати факултети забони русии ДДОТ ба номи Садриддин Айнӣ конференсияи ҷумҳуриявии илмӣ-амалӣ дар мавзӯи “Лингводидактикаи муосир: мушкилот ва ҳалли он” ба муносибати ҷашни 90-солагии донишгоҳ ва амали гардонидани “Барномаи давлатии омӯзиш ва такмили забонҳои русӣ, англисӣ дар Ҷумҳурии Тоҷикистон” бо иштироки меҳмонон, устодону донишҷӯён баргузор гардид. Нахуст, муовини ректор оид ба корҳои илмӣ д.и.б., профессор Мирзораҳимов А., конфронсро ҳусни оғоз бахшида, оид ба ҳадафи ин ҳамоиши илмӣ пиромуни мушкилот ва роҳҳои ҳалли масоили илми забоншиносии рус сухан ронд. Сипас, мудири кафедраи забоншиносии умумӣ ва забони муосири рус н.и.п., дотсент Мерганова Н. аз таърихи факултети забон ва адабиёти руси донишгоҳ ҳарф зад. Ҳамзамон, меҳмонон н.и.п., дотсент Наврӯзова Гулшан, н.и.п., дотсент Вайсова Зулайхо, н.и.п., Аликулова Сабрина, муаллимони калон Дрозденко Людмила, Кайсова Шарофат, ва Ахмедов Баҳодур иштирок ва суханронӣ намуданд. Дар идомаи чорабинӣ н.и.ф., дотсент Алиев О., ва муаллими калон Сайфутдинов Р., доир ба мушкилоти забоншиносии муосир ва роҳҳои ҳалли он андешаи хешро иброз  намуданд.

Суратгузориш аз рафти баргузориии конференсия дар донишгоҳ: