ТАШРИФИ ВАЗИРИ МАОРИФ ВА ИЛМИ КИШВАР БА

ДДОТ БА НОМИ САДРИДДИН АЙНӢ

Субҳи 10-уми марти соли 2021 бо мақсади боздид аз рафти корҳои ободониву созандагӣ дар ДДОТ ба номи Садриддин Айнӣ Вазири маориф ва илми Ҷумҳурии Тоҷикистон Имомзода Муҳаммадюсуф Сайдалӣ, муовини якуми Раиси шаҳри Душанбе Қурбонзода Амирхон Файзулло, Раиси ноҳияи Исмоили Сомонӣ Самӣ Шариф, намояндагони Мақомоти иҷроияи ҳокимияти давлатии шаҳри Душанбе ба ин боргоҳи маърифат ташриф оварданд. Меҳмонон аз  рафти корҳои ободонивув созандагӣ дидан намуда, ба хотири сазовор таҷлил намудани 30-солагии Истиқлолият ба роҳбарияти донишгоҳ дастуру супоришҳои мушаххас доданд. Ҳамзамон Вазири маориф ва илми кишвар Имомзода М.С. ба хотири саҳм гузоштан дар ободонии шаҳри Душанбе ва гузаронидани шанбегиву дигар рӯзҳои тозакорӣ ба коллективи донишгоҳ арзи сипос намуданд.