АЙНӢ НИЗ ДАР ИЛМ АФЛОТУНИ МОСТ

Нимаи дуюми рӯзи 15-уми апрели соли 2021, бо  иштироки ректори донишгоҳ д.и.т., профессор Ғаффорӣ Нуъмонҷон Усмонзода, муовини аввал,муовини ректор оид ба корҳои таълимӣ н.и.ф., дотсент Қосимов Саъдӣ Абдулқодирович ва ҳайати устодону донишҷӯёни факултети филологияи тоҷик дар пояи нимпайкараи устод Садриддин Айнӣ, ки дар саҳни бинои факултети мазкур ҷойгир мебошад, ба хотири гиромидошти 143-юмин солгарди сардафтари адабиёти муосири тоҷик, Қаҳрамони Тоҷикистон Садриддин Айнӣ гулчанбар гузошта шуд. Ҳангоми гузоштани гулчанбар ректори донишгоҳ аз фаъолиятҳои беназири анҷомдодаи устод Садриддин Айнӣ ёдовар шуда, таъкид намуд, ки андар шинохтии хештаншиносиву ҳуввияти миллии мо тоҷикон саҳми ин абармарди таърихӣ хеле назаррас аст.

САҲМИ САДРИДДИН АЙНӢ ДАР РУШДУ ФАРҲАНГИ ХАЛҚИ ТОҶИК

Таҳти ҳамин унвон 15 апрели соли 2021 дар Осорхонаи адабии Садриддин Айнӣ дар ҳамкорӣ бо Донишгоҳи давлатии омӯзгории Тоҷикистон ба номи Садриддин Айнӣ чорабинии варҳангӣ-фароғатӣ бахшида ба 143-солгарди зодрӯзи Қаҳрамони Тоҷикистон устод Садриддин Айнӣ бо иштироки меҳмонон ректори донишгоҳ д.и.т., профессор Ғаффорӣ Нӯъмонҷон Усмонзода, муовинони ректор, Ҳунарпешаи халқии ҶШС Тоҷикистон Марям Исоева, директори Институти забон ва адабиёти ба номи Рӯдакӣ Боймурод Шарифзода, доктори илмҳои санъатшиносӣ, профессор Аслиддин Низомов, раиси Кумитаи сулҳ ва ризоияти миллӣ Латофат Шарифова, декани факултети филологияи тоҷик д.и.ф., профессор Рухшона Восиева ва мудирони кафедраҳо ва ҳайати омӯзгорону донишҷӯёни факултет баргузор гардид.

ЗАҲМАТИ АНГУШТИ АЙНӢ ПУШТИБОНИ МО ШУДАСТ...

Субҳи имрӯз ба муносибати 143-юмин солгарди адабиётшинос, муҳаққиқ, шоир, нависанда, Қаҳрамони Ҷумҳурии Тоҷикистон ва сардафтари адабиёти муосири тоҷик устод Садриддин Айнӣ бо ташаббуси ректори донишгоҳ  д.и.т., профессор Ғаффорӣ Нуъмонҷон Усмонзода дар пояи муҷассамаи ин абармарди таърихӣ воқеъ дар боғи фарҳангӣ-фароғатӣ ба номи С.Айнӣ гулчанбар гузошта шуд. Зикр кардан ба маврид аст, ки дар ин чорабинӣ муовинони ректор: оид ба корҳои илмӣ д.и.б., профессор А. Мирзораҳимов оид ба корҳои тарбиявӣ н.и.х, Ҷ.Мусоҷонзода оид ба робитаҳои байналмилалӣ н.и.п., дотсент А.Байдуллоев, инчунин декани факултети филологияи тоҷик д.и.ф., профессор Р.Восиева, мудири кафедраи назария ва таърихи адабиёти ин факултет д.и.ф., профессор Ш.Солеҳов, омӯзгорони ҳамин кафедра профессор Саидов Саидраҳмон, н.и.ф, дотсент Қ. Маҷидов ва дигар устодону кормандону донишҷӯён иштирок доштанд.

ШАРТНОМАИ ҲАМКОРӢ БО ДОНИШГОҲИ БАДАХШОНИ АФҒОНИСТОН

12-уми апрели соли 2021 бо мақсади тавсеа ва рушди равобити дуҷониба Нуъмонҷон Усмонзода Ғаффорӣ – ректори Донишгоҳи давлатии омӯзгории Тоҷикисон ба номи С. Айнӣ Муҳаммад Қосим Ориё – ректори Донишгоҳи Бадахшони Ҷумҳурии Исломии Афғонистонро ба ҳузур пазируфта, миёни ректорони донишгоҳ мулоқот сурат гирифт.

Роҳбари ду муассисаи олӣ зимни нишасти судманд роҷеъ ба муҳимтарин мавзӯъҳои марбут ба соҳаҳои илму маориф ва таҳсили донишҷӯён, тақвият бахшидан ва мустаҳкамтар намудани робитаҳои дуҷониба дар самти корҳои илмию тадқиқотӣ мубодилаи афкор намуданд.

ЗАБОН ДОНӢ, ҶАҲОН ДОНӢ!

Санаи 12 апрели соли 2021 дар факултети забони англисии ДДОТ ба номи Садриддин Айнӣ ба як қатор омӯзгорони фанни забони англисӣ, ки дар курсҳои омӯзишӣ тариқи онлайн давоми 16 ҳафта фаъолона иштирок доштанд, бо сертификат қадрдонӣ карда шуданд. Дар нишасти ҷоизасупорӣ нахуст, намояндаи Сафорати Амрико дар Тоҷикистон Ҷаке Ливингстон суханронӣ намуда, омӯзгоронро барои иштироки фаъолонаашон дар курси забономӯзӣ тариқи онлайнӣ изҳори сипос ва қадрдонӣ намуд.

«60-СОЛИ ФАТҲИ КАЙҲОН»

Рӯзи 12 апрели соли 2021 дар факултети физикаи ДДОТ ба номи Садриддин Айнӣ конференсияи илмӣ-фарҳангӣ бахшида ба «Рӯзи кайҳоннавардон» таҳти унвони «60-соли фатҳи кайҳон» баргузор гардид. Конференсия бо иштироки намояндаи раёсати тарбияи донишгоҳ, декани факултет, муовинони декан, мудирони кафедраҳо, ҳайати омӯзгорон ва донишҷӯёни факултет баргузор гардид.

Нахуст декани факултетн.и.п., дотсент Умаров У.С. ҳозиринро ба муносибати «Рӯзи кайҳоннавардон» табрику таҳният гуфта, зикр намуд, ки ҳамасола 12-апрелро ҳамчун рӯзи кайҳоннавардон дар саросари ҷаҳон ҷашн мегиранд. Сипас маърӯзаҳои зерин аз ҷониби Лайло Мансур «12 апрел - рӯзи кайҳоннавардон», Қодирова Гулноза «Ракетаҳо ва парвозҳо ба кайҳон»,  Сафарбеки Ҳалим «Таърих ва инкишофи кайҳоннавардӣ» ва Эшонова Нозанин дар мавзӯи «Ҳаёт ва фаолияти Ю.А.Гагарин» пешкаши ҳозирин карда шуд.

Паёми шодбошии Президенти Ҷумҳурии Тоҷикистон, Пешвои миллат муҳтарам

Эмомалӣ Раҳмон ба муносибати фарорасии моҳи шарифи Рамазон

12.04.2021 08:00, шаҳри Душанбе

Ҳамватанони азиз!

Фардо моҳи шарифи Рамазон фаро мерасад.

Ба ин муносибат кулли сокинони кишварро табрик гуфта, ба ҳамаи онҳо нури имону маърифат, хайру баракат ва тамоми хушиҳои зиндагиро орзу менамоям.

Моҳи шарифи Рамазон дар баробари рӯзадорӣ моҳи озодагии рӯҳ ва имондориву тақво ба шумор рафта, вуҷуди инсонро аз ҳусни адабу маърифат ороста мегардонад.

Дар ин моҳ мусулмони комил фурӯтаниву шикастанафсиро пеша карда, хашму ғазабро аз худ дур месозад ва қалбашро ба макони меҳру муҳаббат табдил дода, бештар ба амали хайру савоб даст мезанад ва ба наздикону пайвандон, ҳамсояҳову дармондагон кумак расонида, мушкили онҳоро осон мегардонад.

Тоҷикон ин фаризаҳои дини мубини исломро то ба имрӯз идома дода, бо парҳезгорӣ, тоату ибодат, хайру саховат, некиву накӯкорӣ, эҳтироми падару модар ва хешовандону калонсолон шуҳрат пайдо кардаанд.

ТАҶЛИЛИ РӮЗӢ “ФРАНКОФОНИЯ” ДАР ДОНИШГОҲ

Санаи 9-уми апрели соли 2021 дар толори  бинои асосии ДДОТ ба номи Садриддин Айнӣ бахшида ба рӯзи байналмилалии забони франсавӣ “Франкофония” чорабинии фарҳангӣ бо иштироки ректори донишгоҳ, профессор Ғаффорӣ Н.У., Сафири фавқулода ва мухтори Ҷумҳурии Фаронса дар Тоҷикистон ҷаноби Мишел Тарран, масъули бахши фарҳангии Сафорати Фаронса дар Тоҷикистон хонум Лола Роже, муовини раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ Шарифова М., филмбардор ва аксбардори машҳур Заур Дахте, ҳамоҳангсози миллии барномаҳо: «Санъат ва фарҳанг»-и Дафтари Швейтсария оид ба ҳамкорӣ дар Тоҷикистон Баширова М., кормандони Маркази фарҳангии “Бохтар”, омӯзгорону донишҷӯёни ихтисосҳои забонҳои хориҷии донишгоҳ ва дигар муассисаҳои олии шаҳри Душанбе баргузор гардид.