НАҚШИ ИЛМ ВА МАОРИФ ДАР ПЕШГИРИИ

ЗУҲУРОТИ ИФРОТГАРОӢ ВА ТЕРРОРИЗМ

Дирӯз дар толори бинои асосии ДДОТ ба номи Садриддин Айнӣ конференсияи илмӣ-амалӣ дар мавзӯи “Нақши илм ва маориф дар пешгирии зуҳуроти ифротгароӣ ва терроризм” баргузор гардид. Конференсияи мазкур бо ташаббуси кафедраҳои сиёсатшиносӣ, фалсафа ва фалсафаи фарҳанг доир гардида, дар он ноиби ректор оид ба корҳои илмӣ д.и.б.  Акобир Мирзораҳимов, мудирони кафедраҳои  сиёсатшиносӣ, фалсафа, фалсафаи фарҳанг, педагогика, забони фаронсавӣ ва инчунин, омӯзгорон ва донишҷӯёни факултетҳои донишгоҳ ширкат варзиданд. Нахуст, ноиби ректор оид ба илм Акобир Мирзораҳимов ба конференсия ҳусни оғоз бахшида, риштаи суханро ба мудири кафедраи фалсафаи фарҳанг н.и.ф., дотсент Зикирзода Ҳ. дод. Мавсуф дар мавзӯи “Терроризм ва экстремизми динӣ падидаҳои хатарноки ҷомеаи инсонӣ” баромад намуда, аз нооромиҳои ҷаҳони муосир, дасисаҳои ҷангҷӯёни кишварҳои ҷангзада намунаоварӣ намуд.

“ҚУДСИЁН ГӮӢ, КИ ШЕЪРИ ҲОФИЗ АЗ БАР МЕКУНАНД”

Таҳти ҳамин унвон санаи 19-уми феврали соли 2021 дар толори Шӯрои олимони факултети филологияи тоҷики ДДОТ ба номи Садриддин Айнӣ зери роҳбарии мудири кафедраи методикаи таълими забон ва адабиёти тоҷик д.и.ф., профессор Шарифмурод Исрофилниё маҳфили “Ҳофизхонӣ” бо иштироки донишҷӯёни соли якум баргузор гардид. Маврид ба ёдоварист, ки Ш.Исрофилниё аз ангушшумортарин муҳаққиқи осори классикон мебошад. Дар маҳфили навбатӣ професср Ш.Исрофилниё чанд байте аз девони Ҳофиз таҳлил ва маънидод намуд, ки воқеан ҳам ҷаҳон-ҷаҳон маъниро дар худ таҷассум мекард.

“СИПАРИ ВАТАН”

Санаи 19-уми феврали соли равон бо ташаббуси садорати факултети физакаи ДДОТ ба номи Садриддин Айнӣ чорабинӣ бахшида ба 28-умин солгарди Рӯзи таъсисёбии Қувваҳои мусаллаҳи Ҷумҳурии Тоҷикистон таҳти унвони “Сипари Ватан” бо иштироки устодону донишҷӯён баргузор гардид. Чорабинӣ бо садо додани Суруди миллӣ оғоз шуда,  нахуст, декани факултет н.и.п., дотсент Умаров Умар зимни суханронии худ доир ба пайдоиш ва нерӯи Артиши миллӣ ва дар ин роҳ саҳми зиёду арзанда доштани сарфармондеҳи  Қувваҳои мусаллаҳи кишвар, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмонро бесобиқа арзёбӣ намуд.

САЙЁҲОН ВОРИСОНИ ҶАҲОНШИНОСОНАНД

Санаи 18.01.2021 дар асоси нақша-чорабиниҳои кафедраи методикаи таълими география ва туризми ДДОТ ба номи Садриддин Айнӣ доир ба солҳои рушди деҳот, сайёҳӣ ва ҳунарҳои мардумӣ донишҷӯёни курсҳои 1-ум ва 3-юми ихтисоси сайёҳат ва меҳмондориро ба маҷмааи лижаронии кӯҳии “Сафеддара” сафарбар карда шуд. Ҳадаф аз ин сафарбарнамоӣ шиносоии донишҷӯён бо манзараҳои зебову барфпӯш, инчунин омӯхтани сатҳу сифати хизматрасонӣ ба сайёҳони дохиливу хориҷӣ мебошад-чунин арзёбӣ намуд, мудири кафедраи мазкур н.и.г, дотсент Амриддин Самиев.

ВАТАН ҲАР ГӮШААТРО САБЗ ХОҲАМ КАРД!

Субҳи 19-уми феврали соли 2021 тибқи дастуру супоришҳои раиси шаҳри Душанбе муҳтарам Рустами Эмомалӣ, Муассисаи давлатии раёсати кор бо мактабҳо ва иншооти варзишӣ, Раёсати кор бо ҷавонон ва варзиши шаҳри Душанбе инчунин дар якҷоягӣ бо раёсати ДДОТ ба номи Садриддин Айнӣ ба хотири боз ҳам ободу зебо намудани пойтахти азизамон, Душанбешаҳр маъракаи ниҳолшинонӣ дар майдони “Истиқлол”, ки воқеъ дар канори муассисаи мазкур ҷойгир аст, баргузор гардид. Дар маъракаи ниҳолшинонӣ ректори донишгоҳ д.и.т., профессор Ғаффорӣ Нӯъмонҷон Усмонзода, муовини ректор оид ба корҳои тарбиявӣ  н.и.х., дотсент Мусоҷонзода Ҷамила ва дигар кормандону донишҷӯёни донишгоҳ саҳмгузорӣ намуданд.

МАРЗШИНОСӢ ДАР ДАРСИ КУШОД

Рӯзи 19-уми феврали соли ҷорӣ дар факултети биологияи ДДОТ ба номи Садриддин Айнӣ бо ташаббуси омӯзгори фанни Асосҳои давлат ва ҳуқуқ, ассистенти кафедраи ҳуқуқи факултети таърих Абдуллозода Муҳаммад бо донишҷӯёни курси дуюм дар мавзӯи “Сохтори давлатӣ ва сохтори марзӣ-маъмурии Ҷумҳурии Тоҷикистон” бо иштироки омӯзгорон н.и.т., дотсент Шарифов Маликшо, муллими калони кафедраи таърихи умумӣ Мирзоев Фарҳод дарси кушод доир гардид. Маврид ба зикр аст, ки омӯзгорони ҷавони донишгоҳ бо дарку масъулияти баланд, андар таълиму тарбияи муттахасисони оянда саҳми назаррас гузошта истодаанд.

ОМӮЗИШИ МЕТОДОЛОГИЯИ ИЛМҲОИ ИҚТИСОДӢ…

Рӯзи 18-уми феврали соли ҷорӣ тибқи нақшаи семинари таълимӣ бо ташаббуси омӯзгори кафедраи назарияи иқтисодии умумидонишгоҳии факултети иқтисодиёт ва идоракунии  ДДОТ ба номи Садриддин Айнӣ н.и.и., дотсент Ғозибекова Муҳаббат семинари илмӣ – методӣ дар мавзӯи “Омӯзиши методологияи илмҳои иқтисодӣ дар муассисаҳои таҳсилоти оливу касбии мамлакат” баргузор гардид.

ҶАВОНОН ҶОНИБДОРИ СИЁСАТИ ХИРАДМАНДОНАИ ПЕШВОИ МИЛЛАТАНД!

Санаи 17-уми феврали соли 2021 дар толори бинои асосии ДДОТ ба номи Садриддин Айнӣ чорабинӣ оид ба татбиқи иҷрои Нақша- чорабиниҳои муштараки Кумитаи кор бо ҷавонон ва варзиши назди Ҳукумати Ҷумҳурии Тоҷикистон, инчунин дар якҷоягӣ бо Вазорати маориф ва илми Ҷумҳурии Тоҷикистон бо иштироки устодону донишҷӯён, баргузор гардид, ки дар он ҷиҳати таълиму тарбияи насли наврас, ки ҷонибдори сиёсати пешгирифтаи Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон мебошанд, андешаронӣ шуд.