ОЗМУНИ “ИЛМИ МУОСИР” ҶАМЪБАСТ ГАРДИД

16 майи соли 2022 дар Академияи миллии илмҳои Ҷумҳурии Тоҷикистон озмуни ҷумҳуриявии “Беҳтарин мақолаи илмӣ-оммавӣ” ҷамъбаст гардид. Дар озмуни мазкур ҷавони фаъоли донишгоҳ Абдулхайр Абдураҳмонзода ширкат варзида, сазовори ҷойи аввал гашт. Мақолаи ӯ, ки дар мавзӯи “Лутфулло Солиев – асосгузори мактаби илмии омӯзиши системаҳои бисёркомпонента бо усули транслятсия” дар ҳаҷми 15 саҳифа навишта шуда, яке аз беҳтарин мақолаҳои илмӣ-оммавӣ ҳисобида шуд.  Дар фарҷом ғолибони Озмуни «Мақолаи беҳтарини илмӣ-оммавӣ» бо «Ифтихорнома»-и Академияи миллии илмҳои Тоҷикистон, “Диплом” - и махсуси таъсиснамудаи мудирони гурӯҳи «Илми муосир» ва мукофоти пулӣ дар ҳаҷми 1000 сомонӣ қадрдонӣ гардиданд.