ТАШАББУС: ФАРДО НАМОИШИ КИТОБ БАРГУЗОР МЕШАВАД!

Бо ташаббуси Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ рӯзи 25-уми октябри соли 2022 намоиши китобҳои тозаинтишори Донишгоҳ ва нашриёти “Адиб”дар саҳни бинои асосӣ баргузор мегардад.  Мақсад аз баргузор намудани намоиши китоб дар миёни донишҷӯён рӯй овардан ҷавонон ба китобхонӣ, тарғиби китобхонӣ дар миёни ҷавонон, ҳифзи донишҳои замонавӣ, инкишофи қобилияти эҷодӣ, баланд бардоштани завқи китобхонӣ ва арҷ гузоштани онҳо ба арзишҳои миллию фарҳангӣ мебошад.